-
Martın 25-də İraqda futbol stadionunda baş verən partlayışda ölənlərin sayı arta bilər.
İraq rəsmiləri bildiriblər ki, ölənlərin sayı 41-ə çatıb, 105 adam yaralıdır.
Özünü «İslam Dövləti» adlandıran qruplaşma Bağdadın 50 kilometrliyində, Əl-İskəndəriyyə şəhərində partlayış törədib.
Yerli yarış bitəndən sonra rəsmilər mükafatları oyunçulara vermək istəyəndə, terrorçu-kamikadze özünü partladıb.
Sosial mediada yayılmış videoda görülür ki, rəsmilər stolun arxasında dayanıb oyunçulara mükafatı vermək üçün onların adlarını çəkirlər və bu zaman partlayış baş verir.
Ölənlər arasında 10-16 yaşında 17 oğlan da var.