-
Dövlət büdcəsindən maliyyələşən qurumlarda maliyyə pozuntularına yol verənlərin cəriməsi artırılır. Ölkə parlamenti bununla bağlı inzibati qanunvericiliyə dəyişikliklər edəcək.
APA-nın xəbərinə görə, İnzibati Xətalar Məcəlləsinin 410-cu (dövlət büdcəsindən maliyyələşdirilən təşkilatlarda maliyyə qaydalarının pozulması) maddəsinə 3-cü bənd əlavə olunacaq. Həmin bəndə görə, büdcədən ayrılan, azı, 4 min manat vəsaiti təsdiqlənmiş smetaya uyğun xərcləməyənlər 4 min manatdan 8 min manata qədər cərimə olunacaqlar.
Hazırda qüvvədə olan qanunvericilik buna görə 500 manat cərimə nəzərdə tutur.
Dəyişiklik layihəsi parlamentin plenar iclasına tövsiyə olunub.