-
Martın 23-ü Bakı və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin bildirdiyinə görə, Abşeron yarımadasında gecə 3-7, gündüz 12-17 dərəcə isti olacaq. Bakıda isə gecə 4-6, gündüz 15-17 dərəcə isti gözlənilir.
Sabah Azərbaycanın rayonlarında da ciddi yağıntı gözlənilmir. Aran rayonlarında gecə 1-6, gündüz 15-20 dərəcə isti olacaq. Dağlarda gecə 0-5 dərəcə şaxta, bəzi yerlərdə 4 dərəcəyədək isti, gündüz 8-13 dərəcə isti proqnozlaşdırılır.