-
Martın 20-si Bakı və Abşeron yarımadasında yağış yağacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, Abşeronda gecə 5-8, günün birinci yarısı 14-18 dərəcə isti olacaq. Axşama doğru hava soyuyacaq. Bakıda gecə 6-8, günün birinci yarısı 15-17, axşama doğru 8 dərəcə isti gözlənilir.
Sabah ölkənin rayonlarında da yağış yağacaq, şimşək çaxacaq. Dağlıq və dağətəyi rayonlarda yağıntının sulu qara, qara keçəcəyi deyilir.
Aran rayonlarında gecə 2-6, gündüz 15-20 dərəcə isti olacaq. Dağlarda gecə 0-5 dərəcə şaxta, gündüz 3-6 dərəcə isti gözlənilir.