-
ABŞ ordusu Əfqanıstanda xəstəxananı səhvən bombaladıqlarına görə, azı, 10 əsgəri cəzalandırıb. Ötən il baş verən hadisə zamanı 42 nəfər həlak olmuşdu.
Kunduzda «Sərhədsiz Həkimlər» təşkilatına məxsus xəstəxanaya endirilən hava zərbəsində həkimlər və xəstələr həlak olmuşdu.
Cəzalar rəsmən açıqlanmasa da, həmin hərbçilərin vəzifədən azad olunduqları bildirilir. Bəzi əsgər və zabitlərə verilən töhmət isə onların gələcəkdə irəli çəkilməsini əngəlləyir.
Həmin insident ciddi beynəlxalq rezonans doğurub, təşkilat xəstəxananı birdəfəlik bağlayıb, beynəlxalq təhqiqat tələb edib.