İbrahim Ləmbəranski prokuror oldu
APA-nın məlumatına görə, Baş Prokuror Zakir Qaralovun imzaladığı əmrlərlə Baş Prokurorluğunun Ağır Cinayətlərə Dair İşlər üzrə İstintaq İdarəsinin xüsusilə mühüm işlər üzrə böyük müstəntiqi İbrahim Ləmbəranski tutduğu vəzifədən azad edilib və Pirallahı rayon prokuroru vəzifəsinə təyin edilib. Ləmbəranskinin adı “Quba hadisələri”, “NİDA”çıların işi, Leyla Yunus, Rauf Mirqədirovun işində tez-tez hallanırdı.
Büdcəni qırağa xərcləyənlər həbs oluna bilər
Bundan sonra büdcə, digər dövlət vəsaitlərini təyinatdan kənar istifadə edənlər həbs oluna bilər.
Parlament Cinayət Məcəlləsinə bununla bağlı dəyişiklikləri müzakirəyə çıxarır.
Suriya kürdləri öz Federasiyasını yaradır
Martın 16-da Suriya kürdləri Şimali Suriya Federasiyasını elan edəcəklər. Bunu Kobani regionunda kürd rəsmiləri Reutersə deyiblər.
Türkiyədə 3 akademiki tutublar
Türkiyədə 3 akademik “terror təbliğatı”nda ittiham olunaraq saxlanıb. Yanvarda 2 mindən artıq akademik ölkənin cənub-şərqində hərbi əməliyyatları, fövqəladə vəziyyət elan olunmasını pisləyən müraciət imzalamışdı.