Keçid linkləri

Təcili xəbərlər
2020, 04 Dekabr, Cümə, Bakı vaxtı 22:25

Yunusların şikayətinə martın 4-də baxılacaq


Leyla Yunus və Arif Yunus

-

Hüquq müdafiəçiləri Leyla və Arif Yunusların ölkə xaricinə çıxmasına icazə verməyən məhkəmə qərarından apellyasiya şikayətinə martın 4-də baxılacaq.

Bu haqda AzadlıqRadiosuna Yunusların vəkili Elçin Sadıqov danışıb.

Vəkilinin bildirdiyinə görə, şikayət Bakı Apellyasiya Məhkəməsinin hakimi Həsən Əhmədovun icraatına verilib.

Leyla və Arif Yunus təcili müayinə və müalicəyə ehtiyacları olduğundan müvəqqəti xaricə getmək istəsələr də, Yasamal Məhkəməsi buna icazə verməmişdi.

Leyla və Arif Yunus 2014-cü ilin iyul ayında həbs olunub. Onlar dələduzluq, qanunsuz sahibkarlıq, vergidən yayınma və sənədlərin saxtalaşdırılmasında ittiham olunurdular.

Ötən il məhkəmənin hökmü ilə Leyla Yunus 8 il 6 ay, Arif Yunus isə 7 il müddətinə azadlıqdan məhrum edilmişdilər. Sonradan bu, şərti cəza ilə əvəzləndi.

XS
SM
MD
LG