-
Təhsil naziri Mikayıl Cabbarov «2016-2017-ci dərs ili üçün I sinfə şagird qəbulunun elektron sistem vasitəsi ilə həyata keçirilməsi barədə» əmr imzalayıb.
Əmrə əsasən, Bakı şəhərinin ümumtəhsil məktəblərində, Təhsil Nazirliyinin lisey və gimnaziyalarında bu il I sinfə şagird qəbulu elektron sistem vasitəsilə keçiriləcək.
Ərizələrin onlayn qeydiyyatını Bakı Şəhəri üzrə Təhsil İdarəsi aparacaq.
APA- nın xəbərinə görə, qəbulun mart ayının əvvəlində keçirilməsi nəzərdə tutulur. Şagirdlərin I sinfə elektron sənəd qəbulu mektebeqebul.edu.az saytı vasitəsilə həyata keçiriləcək.