-
Nikaha daxil olmaq istəyən 5 min 780 nəfərdə talassemiya, 55 nəfərdə QİCS, 267 nəfərdə isə sifilis xəstəliyi aşkar edilib.
B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva «Trend»ə belə deyib.
Onun sözlərinə görə, 2015-ci ilin iyunun 1-dən bu ilin fevralına kimi nikaha daxil olmaqdan ötrü 94 min 400 nəfər qan müayinəsindən keçib. Onlardan 5 min 780 nəfərdə talassemiya daşıyıcılığı, 55 nəfərdə QİCS, 267 nəfərdə sifilis xəstəliyi aşkar edilib.
Talassemiya daşıyıcılığı 45 cütlükdə aşkarlanıb. Onlardan 3-ü evlənməkdən imtina edib, 6 evlənmiş cütlükdə isə hamiləlik müşahidə edilib.