Amnesty İnternational hesabat yayıb: azı 18 vicdan məhbusu
Hesabatın Azərbaycana aid bölümündə deyilir ki, vətəndaş cəmiyyəti və siyasi fərqli düşüncə üzərinə hücumlar davam edib.
Ötən ilin axırlarına olan məlumata görə azı 18 vicdan məhbusu hələ də dəmir barmaqlıqlar arxasında qalıb.
Bakı "həyat keyfiyyəti"ndə 197-cidir
-Nüfuzlu Mercer konsaltinq şirkətinin 2016-cı il üçün ənənəvi “şəhərlər və keyfiyyətli həyat” reytinqində Bakı 230 şəhər arasında yalnız 197-ci yeri tuta bilib.
İran seçkilərində ekologiya
İranda 26 fevral parlament seçkiləri öncəsi namizədlər və seçicilər həmişəkindən daha artıq ətraf mühitdən söz açırlar. «The Guardian» qəzeti bu barədə məqalə dərc edib. Qəzvin vilayətində Buin Zahra adlı namizəd seçicilərə bitki toxumları paylayır, təbiəti mühafizəni təbliğ edir. Əhvaz şəhərində isə seçki plakatına yer eləməkdən ötrü iki ağacın kəsilməsi fəallar və sakinlərin etirazına səbəb olub.
«Manat yoxdursa, problem də yoxdur»
Bu, «Bizimi Yol» qəzetində dərc olunan bir məqalənin başlığıdır. Qəzet ölkədə manat qıtlığı yaşanmasına diqqət çəkir. Bu qəzetə danışan ekspertlər də bildirirlər ki, Mərkəzi Bank pul qıtlığı yaratmaqla dolların məzənnəsini ucuzlaşdırmağa çalışır.