Keçid linkləri

Təcili xəbərlər
2021, 10 May, Bazar ertəsi, Bakı vaxtı 01:05

Azərbaycan mütəxəssisləri ABŞ-da


«Azerspace-1»in orbitə çıxarılması - 2013

-

Azərbaycanın «Azerspace-2» ikinci peykinin layihə işlərinə başlanıb. «Trend» bu xəbəri «Azərkosmos» ASC-nin peyk əməliyyatları üzrə qrupunun rəhbəri Dunay Bədirxanova istinadən yayıb.

D.Bədirxanov deyib ki, proses ilə yaxından tanış olmaq üçün onların əməkdaşları ABŞ-da «Space Systems Loral» (SSL) şirkətinin peyk istehsal zavodundadırlar.

İkinci peyk proqramı Kanadanın «Export Development Canada» (EDC) kredit agentliyinin uzunmüddətli və güzəştli kreditləri hesabına həyata keçiriləcək. Peykin 2017-ci ildə orbitə buraxılması gözlənilir.

Peyk «Intelsat» beynəlxalq peyk təşkilatından icarəyə götürülən şərq uzunluq dairəsindən 45 dərəcə orbit mövqeyində yerləşdiriləcək. «Azerspace-2» peykinin xidmət zonasına Avropa, Cənub-Şərqi Asiya, Yaxın Şərq və Afrika ölkələri daxil olacaq.

«Azerspace-2» geostasionar peyki Ku və Ka diapazonlu transponderlər ilə təchiz ediləcək. Rəqəmsal teleyayım xidməti göstərmək, internet şəbəkəsinə qoşulmaq, məlumatların ötürülməsi və VSAT çox xidmətli şəbəkənin yaradılması üçün nəzərdə tutulub.

XS
SM
MD
LG