Keçid linkləri

Təcili xəbərlər
2020, 03 Dekabr, Cümə axşamı, Bakı vaxtı 22:11

Nigar Köçərli Rüstəm Usubovla görüşüb


Nigar Köçərli

-

«Əli və Nino» kitab mağazaları şəbəkəsinin rəhbəri Nigar Köçərli Azərbaycan Baş prokurorunun birinci müavini Rüstəm Usubovla görüşüb.

«Report» xəbəri N.Köçərliyə isnadən yayıb.

Nigar Köçərli deyib ki, R.Usubov onun məsələsi ilə bağlı Baş prokurora məruzə edəcəyini bildirib: «R.Usubov Baş prokuror Zakir Qaralovun tapşırığı ilə bu görüşə təşəbbüs göstərib. İndi baş prokurora məruzə etməlidir. O, Nəsimi rayon Polis İdarəsində baş verən hadisə, istintaq işinin bağlanması ilə bağlı şikayətimi diqqətlə və təfərrüatı ilə dinlədi».

2015-ci ilin sentyabrında «Əli və Nino»nun ofisindən 13 min manat pul oğurlanıb. Lakin indiyədək oğrular tapılmayıb.

Bu həftə N.Köçərli Nəsimi rayon Polis İdarəsinə çağırılıb. İdarədən çıxdıqdan sonra N.Köçərli polislər tərəfindən təhqir edildiyini deyib. DİN-in mətbuat xidməti isə xanım sahibkarın dediklərini təkzib edərək, əksinə, polislərin təhqirlə üzləşdiyini bildirib.

XS
SM
MD
LG