-
Azərbaycana yeni gətirilən poliomielit peyvəndinin istifadəsinə başlanılıb.
Bunu «Report»a Səhiyyə Nazirliyinin Respublika Gigiyena və Epidemiologiya Mərkəzinin (GEM) direktor müavini Afaq Əliyeva deyib.
O, qeyd edib ki, fevralın 15-dən etibarən ölkə ərazisində yeni peyvəndin tətbiqinə başlanıb.
Yeni vaksin ölkədə fəaliyyət göstərən bütün peyvənd məntəqələrinə paylanıb. Vaksin pnevmokok peyvəndi ilə eyni gündə 6 ayı tamam olan uşaqlara yalnız bir dəfə vurulur: «Artıq bütün poliklinikalarda peyvənd var. Yəni, peyvənd vurulması vaxtı çatan bütün uşaqlar poliklinikalara dəvət olunur».
Hollandiya istehsallı peyvənd 5-dozalı flakonda qablaşdırılıb. Vaksini «Bilthoven Biologicals» şirkəti hazırlayıb.
Poliomielit uşaq iflici xəstəliyidir.