-
Bakı-Tbilisi-Qars (BTQ) dəmiryolu layihəsi üzrə üçtərəfli Koordinasiya Şurasının iclası fevralın 12-də öz işinə başlayır. APA-nın yaydığı xəbərdə iclasın Tbilisidə keçiriləcəyi bildirilir.
Tədbirdə Gürcüstanın iqtisadiyyat naziri Dimitry Kumsishvili, Azərbaycanın nəqliyyat naziri Ziya Məmmədov, Türkiyənin nəqliyyat, dəniz işləri üzrə naziri Binəli İldırım iştirak edəcək.İclasda hər üç nazirin çıxış edəcəyi gözlənilir. Sonda Bakı-Tbilisi-Qars dəmiryolu layihəsi üzrə üçtərəfli Koordinasiya Şurasının rəhbərləri protokol imzalayacaqlar.
Bu dəmiryolunun tikintisinin bu ilin sonuna kimi başa çatması gözlənilir.