-
Ağstafada naməlum şəxslər fermaya hücum ediblər. Fermadakı çobanlar Qabil Məmmədovla Ayaz Abdıyevi otağa salıb qapayan maskalı şəxslər 40 baş iri- və xırdabuynuzlu heyvanı özləri ilə aparıblar.
Fermanın sahibi İsrafil Abdullayev APA-ya deyib ki, heyvanların ayaq izləri onları Gürcüstan sərhədinə aparıb.:
«Belə məlum olur ki, oğurlanan mal-qaranı Gürcüstana keçiriblər» - deyən sahibkarın sözlərinə görə, fevralın 3-də gecə saatlarında avtomatlı və maskalı 4 nəfər atlı ona məxsus fermaya basqın edib.
Ağstafa polisinin məlumatına görə, hazırda basqın edənlərin müəyyənləşdirilməsi üçün Dövlət Sərhəd Xidməti ilə birgə araşdırmalar davam etdirilir.