“Azərbaycanda yanacağın qiymətinin neftin dünya qiyməti ilə heç bir bağlılığı yoxdur". Trend-in məlumatına görə, bunu SOCAR prezidenti Rövnəq Abdullayev Bakı Biznes Mərkəzində gənc neftçilərlə görüşündə bildirb:
"Bizdə yanacağın qiymətini Tarif Şurası, ümumi Azərbaycan iqtisadiyyatı və orta qiymətlər fonunda müəyyən edir. Azərbaycanda cəmi bircə dəfə daxili bazarda yanacağın qiyməti xarici bazardakından bir az yüksək olub. O da cəmi bir-iki ay davam edib- deyə Rövnəq Abdullayev bildirib.
Yada salaq ki, Azərbaycanda yanacağın qiyməti sonuncu dəfə 2013-ci ilin dekabrında bahalaşıb.O vaxt rəsmilər Azərbaycanda yanacağın qiymətinin artırılmasını məhz dünyada neftin qiymətinin bahalaşması ilə izah etmişdilər.