Keçid linkləri

Təcili xəbərlər
2021, 21 Sentyabr, çərşənbə axşamı, Bakı vaxtı 04:10

Gəncə məhkəməsi Rəsulzadə ilə bağlı Müsavatın şikayətini geri çevirir


Naqif Həmzəyev

-

Gəncə şəhəri, Nizami Rayon Məhkəməsində Müsavat Partiyasının deputat Naqif Həmzəyevə qarşı qaldırdığı iddia üzrə məhkəmənin növbəti iclası keçirilib.

Bunu AzadlıqRadiosuna Müsavat Partiyasının hüquqlarını müdafiə edən vəkil Nemət Kərimli bildirib:

Vəkil deyir ki, hakim Akif Zeynalov «Müsavat Partiyasının subyektiv hüququ olmadığına görə Məhəmməd Əmin Rəsulzadənin şərəf və ləyaqətini müdafiə iddiası qaldıra bilməz» deyərək iddianı təmin etməyib.
Vəkil isə öz növbəsində hakimin bu yanaşmasını əsassız adlandırıb.

«Bu, mövcud hakimiyyətin M.Ə.Rəsulzadə şəxsiyyətinə münasibətinin göstəricisidir. Bunu başqa cür dəyərləndirmək mümkün də deyil» - N.Kərimli qeyd edib.

Müsavat Partiyası deputat N.Həmzəyevi Azərbaycan Xalq Cümhuriyyətinin qurucularından olan Məhəmməd Əmin Rəsulzadə haqda fikirlərinə görə məhkəməyə verib. Partiya deputatın Rəsulzadəni təhqir etdiyini bildirib. Deputat isə bu iddiaları qəbul etmir.

Partiya məhkəmədən deputatın ölkə mətbuatında Azərbaycan xalqından və M.Ə.Rəsulzadənin ailə üzvlərindən üzr istəməsi barədə qətnamə çıxarılmasını istəyirdi.

Şərhlər (2)

Bu forum dayandırılıb
XS
SM
MD
LG