-
Fevralın 1-də Mərkəzi Bankın (MB) İdarə Heyəti «Texnikabank»ın lisenziyasının ləğvi haqda qərar verib.
Qərara səbəb kimi məcmu kapitalın minimum məbləğ tələbinə əməl etməməsi, məcmu kapitalının adekvatlıq əmsalının 3 faizdən az olması və kreditorları qarşısında öhdəliklərini icra edə bilməməsi göstərilir. Bundan başqa deyilir ki, bu bank cari fəaliyyətini etibarlı qaydada idarə edə bilməyib.
MB «Banklar haqqında» Qanununun 51 və 52-ci maddələrinə uyğun olaraq bu gündən banka müvəqqəti inzibatçı təyin edib.
MB bildirir ki, Əmanətlərin Sığortalanması Fondu «Texnikabank» ASC-də əhalinin qorunan əmanətləri üzrə qanunvericiliyə müvafiq olaraq kompensasiyaların ödənişini həyata keçirəcək.
Buna qədərsə ölkədə 6 bankın lisenziyası ləğv edilib. «Texnikabank» bu qəbildən sayca 7-cidir.