-
Akademik Cəlal Əliyev yanvarın 31-də 88 yaşında vəfat edib. Bu barədə Azərbaycan Milli Elmlər Akademiyası məlumat yayıb. Bildirilir ki, mərhumla vida mərasimi bu gün AMEA-nın əsas binasında keçiriləcək və o, 1-ci Fəxri Xiyabanda dəfn olunacaq.
Cəlal Əliyev 1928-ci il iyunun 30-da Naxçıvanda anadan olub. Naxçıvan Dövlət Müəllimlər İnstitutunun təbiət-coğrafiya fakültəsini və Azərbaycan Dövlət Universitetinin biologiya fakültəsini bitirib. Azərbaycan MEA-nın Rəyasət Heyətinin və Yeni Azərbaycan Partiyası Siyasi Şurasının üzvü olub. 2014-cü ildə Kənd təsərrüfatı sahəsində tədqiqatları və nailiyyətlərinə görə Cəlal Əliyev Həsən bəy Zərdabi adına mükafatla təltif olunub.
O, I-III çağırış Azərbaycan Respublikası Milli Məclisinin deputatı olub.
«İstiqlal» ordeni ilə təltif edilib.
