Keçid linkləri

Təcili xəbərlər
2021, 17 Yanvar, bazar, Bakı vaxtı 04:51

Yunanıstan Şengen qaydalarını pozur


Foto arxiv

“Yunanıstan Şengen zonasının xarici sərhədlərində nəzarətlə bağlı üzərinə götürdüyü öhtəlikləri ciddi şəkildə pozub”.

Bunu yanvarın 27-də Reutersə Avropa Komissiyasının sədr müavini Vladis Dombrovsky deyib.

Onun sözlərinə görə söhbət Yunanıstan-Türkiyə sərhədi və ölkənin bir sıra adalarından gedir.

Məlumata görə, komissiyanın əməkdaşları bu ərazilərdə qanunsuz miqrantların qeydiyyatı zamanı pozuntular aşkar ediblər.

Dombrovsky-nin sözlərinə görə,Yunanıstan sərhədçiləri barmaq izlərini sistemə salmır, xarici pasportlar, İnterpol və yerli məlumat bazaları lazımınca yoxlanılmır.

O qeyd edib ki, əgər xüsusi komissiya bu pozuntularla bağlı hesabatı təsdiqləsə, Avropa Komissiyası vəziyyətin yoluna qoyulması ilə bağlı tədbirlər görülməsini məsləhət görəcək.

XS
SM
MD
LG