-
«Türkiyə Hava Yolları» əlverişsiz hava şəraiti ilə əlaqədar yanvarın 28-dəki bir çox reysini təxirə salıb. Onların arasında yanvarın 28-i, saat 08.15-dəki İstanbul-Bakı reysi də var.
Bu barədə şirkət məlumat yayıb.
İstanbul-Bakı və Bakı-İstanbul reysləri üzrə bütün digər uçuşlar müvafiq cədvəl üzrə qüvvədə qalıb.
Yanvarın 26-da da İstanbul-Bakı reyslərindən bir uçuş təxirə salınmışdı.
Şirkət müştərilərə əlverişsiz hava səbəbi üzündən təxirə salınan reyslərə alınan biletlərin tarixini əlavə ödəniş etmədən dəyişdirmək imkanı yaradıb.