-
Yanvarın 16-da dənizdə itən balıqçılar tapılıb.
Dövlət Sərhəd Xidmətinin yaydığı məlumatda deyilir ki, yanvarın 16-da onlara 3 balıqçının geri qayıtmadığı barədə məlumat daxil olub və sərhəd gözətçi gəmiləri axtarışa başlayıb:
«Qayığın koordinatları müəyyənləşdirildikdən sonra sərhəd gözətçi gəmiləri vasitəsilə həyata keçirilən axtarış-xilasetmə tədbirləri nəticəsində texniki nasazlıq səbəbindən sahildən 3.8 mil aralıda dənizdə qalmış balıqçı qayığı aşkar edilib. Neftçala rayon Kürkənd kənd sakinləri Taleh Əhmədov, İxtiyar Şirəliyev, Bəxtiyar Ağacanov xilas ediliblər».