Bu günki AzadlıqLive-da:
Hansı Dövlət müəssisələri özəlləşdirilə bilər və islahatsız bu nəyə gətirə bilər?
“Dövlətimiz və xalqımız naminə keçmişdə olan umu- küsüləri, haqsızlıqları - kimin tərəfindən asılı olmayaraq unutmanızı və bir masa ətrafında əyləşərək mövcud durumu müzakirə etməyinizi xahiş edirəm”. Bunu Müsavat Partiyasının başqan müavini, vəkil Osman Kazımov müxalifət liderlərinə ünvanlayıb. Osman Kazımov: " Kimin nə deməyindən asılı olmayaraq, xalqın ümidi müxalifətədir."
Müxalifət partiyaları regionlarda etiraz aksiyalarını niyə qıraqdan izləyir? AXCP sədri Əli Kərimli:" hal-hazırda Azərbaycan xalqı özü öz sosial narazılığını ifadə etmək istəyir, niyə biz imkan yaratmayaq ki, əzilən insanlar öz etirazlarını ünvanlı şəkildə çatdırsınlar"
Millət vəkili Aqil Abbas deyir ki, "mənə müraciət etsin, mən ona Ağcabədidə iş tapım"
«Azərbaycanda bank sektoru sabitdir»
APA-nın məlumatına görə, Mərkəzi Bankın İdarə Heyətinin sədri Elmar Rüstəmov yanvarın 19-da Milli Məclisdə komitələrin birgə iclasında belə deyib.
«Bu ağır iqtisadi şəraitdə 1-2 bank çox zəiflik nümayişlik etdirib. Onların ödəmə qabiliyyətində problem oldu. Amma bank sektorunda vəziyyət bütövlükdə sabitdir. Bu gün bank sektorunda kifayət qədər likvidlik var. Azərbaycanın bank sektorunda kapitalın adekvatlıq səviyyəsi 14%-dir. Düzdür, problemlər var, hər şeyi çəhrayı rəngdə təqdim etmək fikrində deyilik» - baş bankir bildirib.
Elman Rüstəmov deyib ki, zəif banklar birləşməlidir və bu bankların birləşməsi əhalidə də rahatlıq yaradacaq.
E.Rüstəmovun fikrincə, zəif bankların birləşməsi beynəlxalq banklar üçün də əlverişlidir. «Bu, bankların kredit cəlb etməsinə köməklik göstərəcək. Mərkəzi Banka bununla bağlı müraciət daxil olub. Söhbət 5-7 bankın konsolidasiyasından gedir»
Neqativ mesajlar
"Azadlıq" qəzeti yazır ki, AXCP sədri Əli Kərimli yanvarın 18-də İlham Əliyevin rəhbərliyi ilə keçirilən müşavirəni, o cümlədən Azərbaycanın beynəlxalq qurumlardan yenidən borc almaq, dövlət müəssisələrini özəlləşdirməyə çıxarmaqla bağlı hökumətin planlarını şərh edib. Əli Kərimli bu barədə fikirlərini Facebook səhifəsində paylaşıb.
AXCP sədrinin qənaətincə, sonuncu müşavirədə cəmiyyətə «çox neqativ mesajlar» verilib: «Hökumət bu gün xalqa dedi ki, narahat olmayın, xaricdən çoxlu borc alacağıq, olan-qalan dövlət müəssisələrini də özəlləşdirəcəyik.
Xalq da düşünəcək ki, hələ ölkə neft pullarında üzən vaxt xaricdən 25 milyard dollardan artıq (dövlət zəmanəti ilə bank və şirkətlərin də aldığı ilə birlikdə) kredit almısınız. O 25 milyardın bizə bir faydası olubmu ki, indi alacağınız 3-5 milyardın da faydası olsun?
Rusiyanın 13 ən varlısı 10 günə 11 milyard itirib
“Onlar ağlagəlməz sərvəti birdən-birə topladılar. Ancaq Rusiya oliqarxlarının erası da bitməkdədir, neft ucuzlaşır, rublun çöküşü isə dünyanın ən varlılarının böyük itkilər verməsilə sonuclanır”. “The Telegraph” qəzetində John Ficenec yazır ki, neftin barreli 30 dollardan düşdükcə, Rusiya varlıları 10 günə 11 milyard dollar itiriblər.
Sibneft-in satışından milyardlar qazanan, Chelsea futbol klubunun sahibi Roman Abramovich 820 milyon, polad maqnatı, Arsenal-ın üçdə birinin sahibi Alisher Usmanov ilin əvvəlində 910 milyon dollar itirib.
Mədən şirkətləri hesabına ölkənin ən sərvətlilərindən birinə çevrilmiş Vladimir Potanin-in itkisi 1.3 milyard dollardır, sərvəti 13.3 milyarda düşüb. Novatek qaz nəhənginin rəhbəri Leonid Mikhelson-un var-dövləti isə 1.5 milyard azalaraq 11.5 milyarda düşüb.
Bloomberg-in göstəricilərinə görə, ümumilikdə 130 milyard dollara sahib olan 13 varlı rusiyalının ilin əvvəlindən 11.1 milyardı küləyə sovrulub.