-
Qaradağ rayonunda beşmərtəbəli yaşayış binasında yanğın olub.
Fövqəladə Hallar Nazirliyinin məlumatına görə, beşmərtəbəli yaşayış binasının 5-ci mərtəbəsində 3 otaqlı mənzilin 2 otağının yanar konstruksiyaları yanıb. Yanğın zamanı 2 nəfər müxtəlif dərəcəli yanıq xəsarəti ilə yanğınsöndürənlər tərəfindən Təcili Tibbi Yardım Xidmətinə təhvil verilib və mənzillərdən 20 nəfər sakin təxliyə olunub. Evin qalan hissəsi yanğından mühafizə olunub.