Keçid linkləri

2024, 20 İyun, Cümə axşamı, Bakı vaxtı 12:30

Azərbaycan xəbərləri

“Lazım olmayan qurumlar ləğv edilməlidir”

İlham Əliyev
İlham Əliyev

-

“Keçən il müşahidə olunan mənzərə deməyə əsas vermir ki, 2016-cı ildə dünyada iqtisadi böhran başa çatacaq. Belə olan halda biz daha da səmərəli işləməliyik və iqtisadi inkişaf templərini daxili resurslar hesabına, düşünülmüş siyasət, islahatlar, o cümlədən struktur islahatları nəticəsində təmin etməliyik”.

Azərbaycan prezidenti Ilham Əliyev Nazirlər Kabinetinin son iclasındakı çıxışında belə deyib.

Prezident həmçinin struktur islahatlarından da danışıb. O, “daha da çevik, operativ” idarəetmə mexanizminin yaradılmalı olduğunu söyləyib. “Bəzi hallarda bəzi qurumlar bir-birinin fəaliyyətini təkrarlayırlar. Buna yol vermək olmaz”, - İlham Əliyev söyləyib.

O, süni şəkildə iş yerlərinin yaradıldığını bildirib: “Misal üçün, insanlar işləmirlər, amma onlara maaş yazılır. Sonra o maaş onun-bunun cibinə gedir. Bu hallara son qoyulmalıdır. Ona görə, çox ciddi maliyyə nəzarəti, ictimai nəzarət, dövlət nəzarəti olmalıdır. Lazım olmayan qurumlar ləğv edilməlidir və bu istiqamətdə yaxın gələcəkdə addımlar atılacaq”.

Dövlət başçısı ölkə iqtisadiyyatı üçün strateji əhəmiyyət daşıyan, dövlət inhisarında olan şirkətlərin işində, idaretməçiliyində də dəyişikliklərin vacibliyini vurğulayıb:

“Korporativ idarəetmə prinsipləri tətbiq edilməlidir. Dünyanın inkişaf etmiş ölkələrinin aparıcı korporasiyalarının təcrübəsi öyrənilməli və tətbiq edilməlidir. Bu şirkətlər tam şəffaf fəaliyyət göstərməlidirlər”.

İlham Əliyev ictimai nəzarət mexanizmləri haqqında da danışıb: “Çünki sadəcə olaraq insanlardan tələb etmək ki, gedin o və ya bu sahəyə nəzarət edin, bu, çətin məsələdir. Burada lazımi səviyyədə həm ictimai fəallıq, həm də mexanizmlər olmalıdır. İctimai nəzarət mexanizmləri mütləq tətbiq edilməlidir. Hökumət bu məsələ ilə bağlı öz təkliflərini təqdim etsin. Təbii ki, heç bir vaxt israfçılığa yol verilməməlidir, xüsusilə indiki şəraitdə çox ciddi nəzarət olmalıdır”.

Bütün xəbərləri izləyin

DTX prezidentin adından istifadə edən kibercinayətkarların tutulduğunu deyir

Haker
Haker

Azərbaycan Dövlət Təhlükəsizliyi Xidməti (DTX) bu gün, iyunun 20-də bildirib ki, dövlət və ictimai xadimlərin adından saxta müraciətlər hazırlayan kibercinayətkar şəbəkə ifşa olunub.

DTX vurğulayır ki, Azərbaycan prezidentinin və başqalarının adından süni intellekt proqramları – "deepfake" texnologiyaları vasitəsilə saxta videomüraciətlərin hazırlanması, bu yolla sosial şəbəkələrdə Dövlət Neft Şirkəti (SOCAR), "Kapital Bank"... tərəfindən qazanc vədi verən saxta elanların yayılması ilə bağlı cinayət işi açılıb: "Kibercinayətlərin törədildiyi ölkələr müəyyən edilib, həmin dövlətlərin aidiyyəti orqanları ilə əməkdaşlıq çərçivəsində beynəlxalq kibercinayətkar şəbəkə ifşa olunub".

Bildirildiyinə görə, Azərbaycanın və digər ölkələrin vətəndaşlarının pulunu ələ keçirən beynəlxalq kibercinayətkar qruplaşmanın üzvləri Ukraynada saxlanıb, "qrupun cinayətlərində iştirak etmiş" iki Azərbaycan vətəndaşı barədə ölkələrində həbs-qətimkan tədbiri seçilib.

Rəsmi açıqlamaya, hələlik, adları çəkilən Azərbaycan vətəndaşları və onların yaxınlarından münasibət almaq mümkün olmayıb.

Qubad İbadoğlunun həyat yoldaşının səhhətində problem yarandığı deyilir

İradə Bayramova
İradə Bayramova

İki ay əvvəl həbsdən ev dustaqlığına buraxılan iqtisadçı Qubad İbadoğlunun həyat yoldaşı İradə Bayramovanın səhhətində problem yarandığı deyilir.

Q.İbadoğlunun qardaşı Qalib Toğrulun AzadlıqRadiosuna bildirməsinə görə, bu problem ötən il iyulun 23-də Azərbaycanda saxlanarkən ona yetirilən xəsarətlərin fəsadıdır.

Q.Toğrul qeyd edib ki, qardaşının saxlanması zamanı həyat yoldaşı da yanında olub və hər ikisinə zorakılıq olub: "10-a yaxın mülki geyimli şəxs tərəfindən xüsusi zorakılıqla maşından düşürülmələri İradə xanımda qorxu, sarsıntı və dərin psixoloji travma yaratmışdı. Bununla yanaşı, açıq qapıdan tutaraq maşına minmək istəməyən İradə xanımın əllərinə, ayaqlarına, bədəninə və başına zərbələr endirilib".

"Huşunu itirib"

Q.Toğrul deyir ki, bunun nəticəsində İ.Bayramovanın ayaqlarında, qollarında, bədənin müxtəlif hissələrində göyərmələr, qançırlar və baş nahiyəsində iki şiş yaranıb.

Onun sözlərinə görə, üç gün öncə, iyunun 15-də gecə İ.Bayramovanın İsveçdə yaşadığı evdə qəflətən vəziyyəti pisləşib və o, huşunu itirib: "Təcili yardım briqadasının ilkin tibbi müdaxiləsindən sonra İradə xanım hospitala yerləşdirilib. İlkin müayinələrdən sonra ona "vestibulyar sinirin iltihablaşması" diaqnozu qoyulub və bildirilib ki, xəstəliyin yaranması səbəblərindən birincisi başından ağır zərbə alması ehtimalıdır".

Qubad İbadoğlu kimdir və nə üçün həbs edilib?
Gözlə

No media source currently available

0:00 0:04:39 0:00

""Xəsarət izləri aşkar edilmədi" rəyini verdilər"

Q.Toğrul vurğulayıb ki, 2023-cü ildə məsələ ilə bağlı Azərbaycan Baş Prokurorluğuna şikayət etmişdilər: "Müstəntiq bizi ekspertizaya göndərdi. Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində isə İradə xanımın bədənindəki göyərmələri və başındakı şişləri görmədilər, "xəsarət izləri aşkar edilmədi" rəyini verdilər".

O, əlavə edib ki, prokurorluq cinayət işinin başlanmasının rədd edilməsi haqqında qərar çıxarıb.

Bütün bu deyilənlərə, hələlik, nə Daxili İşlər, Səhiyyə nazirlikləri, nə də Baş Prokurorluqdan münasibət öyrənmək mümkün olub.

Xatırlatma

Q.İbadoğlu ötən il iyulun 23-də həbs edilmişdi. O, Cinayət Məcəlləsinin (CM) 204.1-ci (Satış məqsədi ilə saxta pul... və ya xarici valyuta hazırlama, əldə etmə və ya satma - mütəşəkkil dəstə tərəfindən törədildikdə) maddəsi ilə ittiham olunub. Daha sonra ona qarşı CM-in 167-3.1-ci (dini ekstremist materialları hazırlama, saxlama və ya yayma) maddəsi ilə yeni ittiham irəli sürülüb. Q.İbadoğlu ittihamları saxta adlandırıb.

Bu il aprelin 22-də onun barəsində seçilmiş həbs-qətimkan tədbiri ev dustaqlığı, daha sonra isə müstəntiqin qərarı ilə polisin nəzarətinə verilmə ilə əvəz olunub.

Q.İbadoğlu dövlət qeydiyyatına alınmayan Azərbaycan Demokratiya və Rifah Partiyasına (ADR) rəhbərlik edib. Amma ev dustaqlığına buraxılandan sonra səhhəti ilə bağlı siyasi fəaliyyətinə fasilə verdiyini açıqlayıb.

Paşinyan sərhədin delimitasiyasında referendumu istisna etmir

Baş nazir Nikol Paşinyan Sünik vilayətinin Çakaten kəndinin sakinləri ilə görüşür.
Baş nazir Nikol Paşinyan Sünik vilayətinin Çakaten kəndinin sakinləri ilə görüşür.

Ermənistan hakimiyyəti Azərbaycanla sərhədin delimitasiyası zamanı ərazi mübadiləsi məsələsi ortaya çıxsa, referendum keçirəcək.

Bunu Ermənistanın Sünik vilayətinin Şinuayr kəndində ölkənin baş naziri Nikol Paşinyan deyib.

"Burada 100 kv.m verə, orada 100 kv.m əldə edə biləcəyiniz bir vəziyyət ola bilər. Bu halda biz heç nəyə qərar verməyəcəyik. Referendum keçirmək lazımdır, siz qərar verəcəksiniz", - o, kəndlilərə bildirib.

O, kənd sakinlərini əmin edib ki, hakimiyyət Ermənistanın öz ərazilərinin bir metrini də güzəştə getməyəcək. Bu kontekstdə Paşinyan sözdə "Zəngəzur dəhlizi"nin (Ermənistanın Sünik bölgəsindən keçəcəyi deyilən yol) açılması barədə şayiələri boş söhbət adlandırıb, kənd sakinlərini bu söhbətlərə fikir verməməyə çağırıb.

"Düzgün başa düşün - biz Azərbaycanla yeni sərhəd yaratmırıq, biz sovet dövrünün sərhədlərini bərpa edirik", - o əlavə edib.

24 may

Azərbaycan Qazaxın dörd kəndinə nəzarəti bərpa etdi

Ermənistan-Azərbaycan sərhədində sərhədçilər yerləşdirilir.

Mayın 24-də Azərbaycan sərhədçiləri Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərini nəzarətə götürüb.

Ötən əsrin 90-cı illərində işğal olunan bu kəndlərin bu il aprelin 19-da dövlət sərhədinin delimitasiyası üzrə komissiyaların 8-ci görüşündə Azərbaycanın nəzarətinə keçəcəyi ilə bağlı razılıq əldə edildiyi açıqlanmışdı. Həmin vaxt Azərbaycan və Ermənistan öz aralarında sərhədin 1991-ci il Almatı bəyannaməsi əsasında müəyyən edilməsini də razılaşdırmışdılar.

"Delimitasiya işləri nəticəsində 12.7 km uzunluğunda sərhəd xətti müəyyən edilmiş və bununla Azərbaycan Respublikasının Qazax rayonunun dörd kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6.5 kv.km) Azərbaycana qaytarılması təmin edilib", - rəsmi məlumatda bildirilir.

Buna qədər Azərbaycan ümumilikdə səkkiz, Ermənistan isə 31 kəndinin ərazilərinin işğal edildiyini acılayıb.

Ermənistan da...

Bu il mayın 24-də Ermənistan Milli Təhlükəsizlik Xidmətinin (MTX) sərhəd qoşunları Tavuş vilayətində dövlət sərhədinin Berkaber kəndi yaxınlığında 1.9 km, Voskepar və Bağanis kəndlərində isə 4.9 km hissəsinin mühafizəsini öz üzərinə götürüb.

MTX-nin məlumatına görə, dövlət sərhədinin Kirants (Ermənistan) – Xeyrımlı (Azərbaycan) istiqamətindəki 5.8 km-lik hissəsinin mühafizəsi iyulun 24-dək keçid sxemi üzrə həyata keçiriləcək.

Xatırlatma

1990-cı illərin əvvəllərində Qarabağ münaqişəsi Azərbaycan və Ermənistan arasında toqquşmalara səbəb olmuşdu.

Azərbaycan təqribən 20 faiz ərazisinin, Ermənistan isə bəzi kəndlərinin işğal edildiyini bildirirdi.

2020-ci ildə 44 günlük müharibə və ötən ilin sentyabrında bir günlük hərbi əməliyyat nəticəsində rəsmi Bakı bütün ölkədə suverenliyini bərpa etdiyini açıqladı.

Bakı Qarabağda bir günlük əməliyyatı "lokal antiterror tədbirlər"i, Yerevan isə "etnik təmizlənmə" kimi dəyərləndirib.

Daha sonra Qarabağdan Ermənistana əhali köçü başlayıb.

İctimai fəalın saxlanıb buraxıldığı deyilir

Nicat Əmiraslanov
Nicat Əmiraslanov

NİDA Vətəndaş Hərəkatının üzvü Nicat Əmiraslanov iyunun 15-də saxlandığını, iki gün sonra isə sərbəst buraxıldığını bildirir.

Amma o, dedikləri ilə bağlı detallar açıqlamır, vəkili ilə məsləhətləşəcəyini bildirir.

Deməsinə görə, onu hüquq-mühafizə orqanların əməkdaşları saxlayıb: "Hazırda sərbəstəm. Təfərrüatlar barədə, hələlik, məlumat verə bilmərəm".

N.Əmiraslanovun dediklərinə, hələlik, rəsmi qurumlardan münasibət almaq mümkün olmayıb.

Bir gün əvvəl, iyunun 16-da isə NİDA Vətəndaş Hərəkatı N.Əmiraslanovun saxlanması ilə bağlı bəyanat yaymışdı.

"Daxili İşlər Nazirliyinin rəsmiləri bizə bildirdilər ki, Nicat Əmiraslanovun harada olması ilə bağlı onlarda məlumat yoxdur. Bu, onun taleyi və sağlamlığı ilə bağlı narahatlığı daha da artırır", - hərəkatın bəyanatında qeyd edilirdi.

Hərəkat Əmiraslanovun saxlanmasını "əsassız" hesab edir və bunu "son aylarda Azərbaycanda vətəndaş cəmiyyətinə qarşı həyata keçirilən repressiya dalğasının davamı" kimi qiymətləndirirdi.

Vəkil Zibeydə Sadıqova da iyunun 16-da "Amerikanın Səsi"nə bildirmişdi ki, iyunun 15-dən N.Əmiraslanovun harada saxlandığı barədə məlumat almağa çalışıb: "Dünəndən dörd dəfə Daxili İşlər Nazirliyinin "102" Zəng Mərkəzinə zəng etmişəm. Hələ də Nicat Əmiraslanovun harada saxlanılması ilə bağlı məlumat ala bilməmişəm".

2017-ci ildə Əmiraslanov Qazax rayonunda 30 sutka inzibati qaydada həbs edilmişdi. Həmin vaxt sosial şəbəkələrdə onun saxlandıqdan sonra işgəncələrlə məruz qaldığı bildirilsə də, həmin iddiaları rəsmi qurumlar təsdiqləməmişdi.

N.Əmiraslanov həmin vaxt haqqında deyilənlərə münasibət bildirməmişdi.

Xatırlatma

Ötən ilin noyabrından bəri Azərbaycanda aralarında "ToplumTV", habelə "Abzas Media" nəşrinin əməkdaşları da olmaqla qruplar halında 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifarişlə izah edirlər. Amma rəsmilər vurğulayırlar ki, ölkədə heç kim sırf peşə fəaliyyətinə görə siyasi sifarişlə basqılara məruz qalmır.

Yerli hüquq-müdafiə təşkilatlarının hazırladığı siyahılara görə, hazırda Azərbaycanda 300 civarında siyasi məhbus var. Amma rəsmilər ölkədə siyasi məhbusların olması ilə bağlı fikirləri də qəbul etmirlər. Onlar deyirlər ki, həmin siyahılarda yer alan şəxslər sırf törətdikləri əmələ görə mühakimə ediliblər.

Almaniyadan dönən Şirin Tire haqda həbs qərarı ləğv edildi

 Şirin Tire Abbasov
Şirin Tire Abbasov

Almaniyaya mühacirət edib, orda oturum izini alan jurnalist Şirin Abbasovun (Tire) iyunun 14-də Azərbaycana qayıtdığı və elə hava limanındaca saxlandığı bildirilir.

Ş.Abbasov barəsində 9 il əvvəl Cinayət Məcəlləsinin 318-ci (dövlət sərhədini qanunsuz keçmə) maddəsi ilə cinayət işi başlanıb, o, axtarışa verilib. Bildirildiyinə görə, Nəsimi rayon Məhkəməsi onun haqqında qiyabi həbs-qətimkan tədbiri də seçib.

İyunun 15-də isə Ş.Abbasovun Binəqədi rayon Məhkəməsində hakim önünə çıxarıldığı bildirilir. Deyildiyinə görə, Baş Prokurorluğun İstintaq İdarəsindən onun barəsində həbs-qətimkan tədbirinin ləğvi ilə bağlı təqdimat verilib. Məhkəmə də həmin təqdimatı təmin edib, o, sərbəst buraxılıb.

Bundan sonra onun haqqında cinayət işinə xitam verilib-verilməyəcəyini aydınlaşdırmaq mümkün olmayıb. Məsələ ilə bağlı nə Baş Prokurorluq, nə də Ş.Abbasovun özü ilə danışmaq mümkün olub.

Ş.Abbasov Azərbaycana qayıtmazdan öncə iyunun 13-də AzadlıqRadiosunun müxbirinə açıqlama vermişdi. Demişdi ki, ən qısa zamanda Azərbaycana getmək fikrindədir. O, həmin vaxt Almaniyada yaşadığını söyləmişdi.

Ş.Abbasov həmin müsahibəsində sosial şəbəkələrdə onunla bağlı yer alan bəzi iddialara da münasibət bildirmişdi. Həmin iddialara görə, o, Almaniyada Azərbaycanın hüquq-mühafizə orqanları əməkdaşları ilə görüşüb və Bakıya razılaşma əsasında qayıdıb, bəzi müstəqil media qurumları ilə bağlı ifadə verəcək. Belə iddiaları yalanlayan Ş.Abbasov demişdi ki, Azərbaycanın Almaniyadakı səfirliyində olub: "Məqsədim ailəmlə görüşməkdir. Uzun müddətdir ailəmlə görüşməmişəm".

O, "üstünüzdə cinayət işi var, Bakıya getsəniz, həbs edilə bilərsinizmi" sualına isə belə cavab vermişdi: "Mənə görə, həbsdə olmaqla azadlıqda olmaq arasında ciddi fərq yoxdur. Zaman və məkan anlayışı insanın beyninin məhsuludur. Küçədə gəzməklə kimsə hesab edirsə ki, azadlıqdadır, bu onun gəldiyi qənaətdir. Bu, hər hansı problemlərə gətirib çıxararsa, legitim şəkildə onu həll etməyə çalışıram".

Bakıya qayıtdıqdan sonra onun məhkəməsində hansı ifadə verdiyi, hər hansı hüquq-mühafizə orqanında didirilib-dindirilmədiyi, hələlik, bəlli deyil.

Ş.Abbasov 2015-ci ilin sentyabrda Azərbaycanda inzibati qaydada 30 sutka müddətinə həbs olunmuşdu. O, həmin illərdə MeydanTV ilə əməkdaşlıq edirdi. Daha sonra jurnalist ölkədən gedərək Almaniyaya mühacirət etmişdi.

Məsələ ilə bağlı Almaniyanın rəsmi qurumları və Azərbaycanın həmin ölkədəki səfirliyi ilə danışmaq mümkün olmayıb.

Xatırlatma

Ötən ilin noyabr ayından bəri Azərbaycanda aralarında "ToplumTV", habelə "Abzas Media" nəşrinin əməkdaşları da olmaqla qruplar halında 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifarişlə izah edirlər. Amma rəsmilər vurğulayırlar ki, ölkədə heç kim sırf peşə fəaliyyətinə görə siyasi sifarişlə basqılara məruz qalmır.

Yerli hüquq-müdafiə təşkilatlarının hazırladığı siyahılara görə, hazırda Azərbaycanda 300 civarında siyasi məhbus var. Amma rəsmilər ölkədə siyasi məhbusların olması ilə bağlı fikirləri də qəbul etmirlər. Onlar deyirlər ki, həmin siyahılarda yer alan şəxslər sırf törətdikləri əmələ görə mühakimə ediliblər.

Ələsgər Məmmədlinin mülki xəstəxanada müayinədən keçəcəyi bildirilir

Ələsgər Məmmədli
Ələsgər Məmmədli

İyunun 15-də Xətai Rayon Məhkəməsinin “Toplum” internet televiziyasının həbsdə olan təsisçisi Ələsgər Məmmədlinin mülki xəstəxanada müayinə keçməsi ilə bağlı müdafiə tərəfinin vəsatətini təmin etdiyi deyilir.

Bu barədə vəkil Aqil Layıc məlumat verib.

Onun sözlərinə görə, bu zərurət Ə.Məmmədlinin qalxanabənzər vəzisində şişin olması ilə əlaqədardır.

Ələsgər Məmmədlinin həbs olunduğu üçün biopsiya müayinəsindən keçə bilmədiyi bildirilir. Yaxınlarının açıqlamasına görə, şiş aşkar olunan günü, martın 8-də o həbs edilib.

Vəkilin sözlərinə görə, qanunda qeyd edilir ki, şəxsin saxlandığı müəssisədə şərait və lazımı avadanlıq yoxdursa, onun müayinəsi belə şərait olan istənilən xəstəxanasında aparıla bilər. Onun vurğulamasına görə, üstəlik, klinikanı şəxsin özü seçə bilər.

A.Layıcın sözlərinə görə, Ə.Məmmədlinin vəzyyəti qənaətbəxş deyil, o boğulmalardan və qan təzyiqindən şikayətlənir.

Müdafə tərəfinin bildirməsinə görə, məhkəmə bütün bunları nəzərə alaraq Ə.Məmmədlinin mülki xəstəxanasında müayinə keçməsi ilə bağlı vəsatəti təmin edib. İstintaq orqanının ( Daxili İşlər Nazirliyinin) vəsatin təmin edilməsinə etiraz etmədiyi bildirilir.

Ə.Məmmədlinin qardaşı Nəsimi Məmmədli də Azadlıq Radiosuna bildirib ki, bayram günlərindən (Qurtuluş və Qurban bayramı ilə bağlı iyunun 17-i, 18-i və 19-u Azərbaycanda qeyri iş günləridir) sonra qardaşı seçiminə uyğun müayinə üçün mülki klinikaya qısamüddətli köçürüləcək. Daha sonra o, istintaq təcridxanasına qaytarılmalıdır: "Növbəti addımlar müayinə nəticələrindən asılı olacaq".

Hələlik, bütün bu deyilənləri məhkəmə və Daxili İşlər Nazirliyindən dəqiqləşdirmək mümkün olmayıb.

Ələsgər Məmmədli bu il martın 8-də həbs olunub. Ona qarşı Cinayət Məcəlləsinin 206.3.2 (qaçaqmalçılıq) maddəsi ilə ittiham verilib, barəsində 4 aylıq həbs-qətimkan tədbiri seçilib. O, ittihamı qurama sayır.

Xatırlatma

Ötən ilin noyabr ayından bəri Azərbaycanda aralarında "ToplumTV", habelə "Abzas Media" nəşrinin əməkdaşları da olmaqla qruplar halında 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifarişlə izah edirlər. Amma rəsmilər vurğulayırlar ki, ölkədə heç kim sırf peşə fəaliyyətinə görə siyasi sifarişlə basqılara məruz qalmır.

Yerli hüquq-müdafiə təşkilatlarının hazırladığı siyahılara görə, hazırda Azərbaycanda 300 civarında siyasi məhbus var. Amma rəsmilər ölkədə siyasi məhbusların olması ilə bağlı fikirləri də qəbul etmirlər. Onlar deyirlər ki, həmin siyahılarda yer alan şəxslər sırf törətdikləri əmələ görə mühakimə ediliblər.

Əsgər qəsdən öldürülübmü?

Azərbaycan hərbçisi
Azərbaycan hərbçisi

Baş Prokurorluğun Mətbuat xidməti iyunun 9-da naməlum şəraitdə itkin düşdüyü, iki gün sonra Şərur rayonunun Günnüt yaşayış məntəqəsində nəşi aşkarlandığı bildirilən əsgər Ceyhun Hüseynov barədə açıqlama yayıb.

Bildirilir ki, fakt üzrə Naxçıvan hərbi prokurorluğunda Cinayət Məcəlləsinin 120.2.12-ci (ağırlaşdırıcı hallarda qəsdən adam öldürmə) maddəsi ilə başlanmış cinayət işinin ibtidai istintaqı davam etdirilir.

Hələlik, məsələ ilə bağlı əsgərin yaxınları ilə danışmaq mümkün olmayıb.

Müdafiə Nazirliyi: 'İtkin əsgərin nəşi aşkar edilib'

İyunun 9-da naməlum şəraitdə itkin düşdüyü bildirilən əsgərin nəşinin tapıldığı açıqlanıb.

Bu barədə Azərbaycan Müdafiə Nazirliyi iyunun 11-də məlumat yayıb.

"...Əsgər Ceyhun Hüseynovun nəşi bu gün səhər saatlarında Naxçıvan Muxtar Respublikasının Şərur rayonunun Günnüt yaşayış məntəqəsi istiqamətində aşkar edilərək şəxsiyyəti müəyyən edilib", - məlumatda vurğulanır.

Hazırda faktla bağlı araşdırma aparıldığı bildirilir.

Rəsmi məlumata, hələlik, əsgərin yaxınlarından münasibət almaq mümkün olmayıb.

+++

Ermənistan Milli Təhlükəsizlik Xidmətində (MTX) Azərbaycan hərbçisinin sərhədi keçə biləcəyi barədə faktiki məlumat yoxdur. Bu barədə Ermənistan MTX-nin Mətbuat mərkəzindən bildirilib.

"Yeni məlumatımız olarsa, dəqiqləşdirəcəyik", – qurumdan əlavə ediblər.

Bu gün, iyunun 10-da bir Azərbaycan əsgərinin Ermənistan ərazisinə keçib saxlanması ilə bağlı bu ölkənin bəzi media orqanlarında məlumatlar yayılmışdı.

Azərbaycan əsgərinin itkin düşdüyü bildirilir

Azərbaycan ordusunun hərbi qulluqçusu, əsgər Ceyhun Hüseynovun iyunun 9-da itkin düşdüyü bildirilir.

Müdafiə Nazirliyinin (MN) məlumatına görə, o, Naxçıvan Muxtar Respublikasının Sədərək rayonunun Günnüt yaşayış məntəqəsi istiqamətində naməlum şəraitdə itkin düşüb.

Hələlik, bu məlumata əsgərin yaxınlarının münasibəti bəlli deyil.

Bundan təqribən dörd ay əvvəl - fevralın 28-də Müdafiə Nazirliyi bir əsgərinin Laçın rayonu ərazisindəki xidməti mövqelər arasında hərəkət edərkən "əlverişsiz hava şəraitində" istiqaməti itirərək azdığını bildirmiş və onun tapılması üçün axtarış aparıldığını açıqlamışdı. Sonradan həmin əsgər - Ruslan Pənahovun istiqamətini itirərək Ermənistana keçdiyi bildirildi. O, Azərbaycana təhvil verildi.

Keçən ilin aprelində isə Azərbaycanın başqa iki əsgərinin Naxçıvanda itkin düşdüyü, onların da Ermənistanda saxlandığı bəlli oldu. Onlar isə bir müddət bir sıra cinayətlərdə ittiham edilsələr də, həmin ilin dekabrında ölkələrinə təhvil verildilər.

1988-ci ildə gərginləşən Qarabağ münaqişəsi Azərbaycan və Ermənistan arasında silahlı toqquşmalara səbəb olmuşdu. Son illər həm Avropa İttifaqı, həm də Rusiyanın vasitəçiliyi ilə iki ölkə arasında ayrı-ayrılıqda danışıqlar getsə də, hələlik, sülh sazişi imzalanmayıb.

Fernandu Santuş Azərbaycan yığmasının baş məşqçisi oldu

Fernandu Santuş
Fernandu Santuş

Futbol üzrə Azərbaycan millisinin yeni baş məşqçisi Fernandu Santuş bu gün, iyunun 13-də ölkə ictimaiyyətinə təqdim olunub.

Bu münasibətlə Bakıda mətbuat konfransı keçirilib.

Tədbirdə çıxış edən Azərbaycan Futbol Federasiyaları Assosiasiyasının (AFFA) icraçı vitse-prezidenti Sərxan Hacıyev bildirib ki, portuqaliyalı mütəxəssisin qarşısına bir sıra məqsədlər qoyulub: "Əsas məqsədlərdən biri 2028-ci ildə Avropa çempionatının seçmə mərhələsində uğurlu nəticə göstərmək olacaq".

F.Santuş da ümid etdiyini bildirib ki, Azərbaycan böyük yarışlara onunla birlikdə yollanacaq

70 yaşlı çalışdırıcı ilə "3+1" illik müqavilə imzalanıb. Amma təzminat və maddi məsələlər açıqlanmır.

F.Santuş buna qədər Yunanıstan, Portuqaliya, Polşa yığmaları və bəzi klubları çalışdırıb. O, 2016-cı ildə Portuqaliya millisinə rəhbərlik edərkən həmin komanda Avropa Çempionu olub. Amma onun sonradan Polşa yığmasında fəaliyyəti qısa olub və uğurlu sayılmayıb. Portuqaliyalı mütəxəssisin sonuncu iş yeri Türkiyənin "Beşiktaş" klubu olub. Orada da onun fəaliyyəti qısa olub və onunla müqavilə vaxtından əvvəl dayandırılıb.

Futbol üzrə Azərbaycan yığma komandasında F.Santuşun sələfi italiyalı mütəxəssis Canni De Byazi idi.

Azərbaycan Naxçıvanda mövqelərinin vurulduğunu deyir

Erməni əsgəri
Erməni əsgəri

Azərbaycan Naxçıvan istiqamətində mövqelərinin atəşə tutulduğunu açıqlayıb.

Müdafiə Nazirliyinin məlumatına görə, iyunun 12-si saat 10:05-dən 17:50-dək Ermənistan silahlı qüvvələri onun Şərur, Ordubad və Şahbuz rayonlarının bəzi yaşayış məntəqələri istiqamətlərində mövqelərini bir neçə dəfə atıcı silahlardan atəşə tutub.

"Ordumuzun bölmələri tərəfindən qeyd olunan istiqamətlərdə cavab tədbirləri görülüb", - məlumatda əlavə edilib.

Ermənistan Müdafiə Nazirliyi Azərbaycan ordusunun mövqelərinin atəşə tutulması barədə məlumatı təkzib edib.

Son aylar Azərbaycan və Ermənistan sərhədində atəşkəsin pozulması ilə bağlı məlumatlar yayılmırdı. Son illər hər iki ölkə arasında həm Avropa İttifaqı, həm də Rusiyanın vasitəçiliyi ilə ayrı-ayrılıqda danışıqlar aparılsa da, hələlik, sülh sazişi imzalanmayıb. Amma bu il sərhədlərin müəyyən edilməsi ilə bağlı iki ölkə arasında birbaşa danışıqlar gedib və müəyyən razılaşmaların da olduğu bildirilir. Danışıqlarda sərhədlərin 1991-ci il Alma-Ata bəyannaməsi əsasında müəyyən ediləcəyi bildirilir.

Xatırlatma

1990-cı illərin əvvəllərində Qarabağ münaqişəsi Azərbaycan və Ermənistan arasında toqquşmalara səbəb olub. Azərbaycanın Qarabağ bölgəsi, ətraf 7 rayonu işğal edilmişdi. Amma 2020-ci ildə 44 günlük müharibə nəticəsində Bakı həmin 7 rayona, Qarabağın isə bir hissəsinə nəzarətini bərpa etmişdi.

Ardınca da Bakı ötən il sentyabrın 19-20-də Qarabağda "lokal antiterror tədbirlər" elan etdi. Yerevan bunu "etnik təmizlənmə" kimi dəyərləndirdi.

Daha sonra da Qarabağdan Ermənistana əhali köçü başlayıb.

MN: Rusiya sülhməramlıları Azərbaycanı tam tərk edib

Qarabağda Rusiya sülhməramlıları
Qarabağda Rusiya sülhməramlıları

2020-ci ildə İkinci Qarabağ müharibəsindən sonra Laçın dəhlizi və Qarabağda yerləşdirilmiş Rusiya Federasiyasının sülhməramlı kontingentinin Azərbaycan ərazisindən çıxarılması prosesi iyunun 12-də başa çatıb.

Bu barədə məlumatı Azərbaycan Müdafiə Nazirliyi (MN) yayıb.

Məlumatda vurğulanır ki, sülhməramlı kontingentin şəxsi heyəti, silah və texnikası Azərbaycan ərazisini tam tərk edib.

Bu ilin aprelində həm Kremldən, həm də Bakıdan rəsmilər bildirmişdilər ki, Rusiya sülhməramlılarının Azərbaycandan vaxtından əvvəl çıxarılması barədə hər iki ölkənin ali rəhbərliyi qərar qəbul edib.

Sonradan isə bu prosesin mərhələlərlə həyata keçirildiyi açıqlanmışdı.

26.04.2024

Türkiyə-Rusiya Birgə Monitorinq Mərkəzi fəaliyyətini dayandırıb [Video]

Ağdamda yerləşən Türkiyə-Rusiya Birgə Monitorinq Mərkəzi bu gün, aprelin 26-da fəaliyyətini dayandırıb.

Bu münasibətlə Azərbaycan Müdafiə Nazirliyinin təşkilatçılığı ilə Türkiyə-Rusiya Birgə Monitorinq Mərkəzində mərasim keçirilir.

Mərasimdə Azərbaycan Ordusunun Baş Qərargah rəisi Kərim Vəliyev, Türkiyə, Rusiya səfirləri və digər şəxslər iştirak edirlər.

Bununla əlaqədar bir qrup media nümayəndəsi üçün media-tur təşkil olunub.

Bu mərkəz Azərbaycan hökumətinin razılığı əsasında 2021-ci il yanvarın 30-da Türkiyə ilə Rusiya arasında imzalanan Memorandumla yaradılmışdı. Məqsədinin Qarabağda atəşkəsin təmin edilməsi ilə bağlı monitorinq aparmaq olduğu açıqlanmışdı.

23 aprel

Sülhməramlılar Qarabağdan Ermənistana getdi – Rəsmi izahat

Dağlıq Qarabağdan olan Rusiya sülhməramlıları Ermənistanın Qoris və Sisian şəhərlərində müvəqqəti dislokasiya məntəqələrinə onların bağlanması ilə bağlı işlərin təşkili üçün gəliblər, - Ermənistan Təhlükəsizlik Şurasının katibi Armen Qriqoryan bildirib.

Sosial şəbəkələrdə sülhməramlılardan ibarət karvanın Dağlıq Qarabağı Ermənistanla birləşdirən Laçın dəhlizinin başladığı Həkəri körpüsündən keçərək Ermənistan ərazisinə gəlməsi ilə bağlı video yayılıb.

Qriqoryan əlavə edib ki, qoşunlar Dağlıq Qarabağı tərk etdiyi üçün "onlar təbii olaraq Ermənistan Respublikasının ərazisində də qala bilməzlər".

18 aprel

'Rusiya ordusunun Cənubi Qafqazda sülhə töhfə verdiyini görməmişik' – Dövlət Departamenti

"Açığı, biz Rusiya ordusunun daha dinc və stabil Cənubi Qafqaz regionuna töhfə verdiyini göstərən heç nə görməmişik".

Bu fikirləri ABŞ Dövlət Departamentinin sözçüsünün birinci müavini Vedant Patel Rusiya sülhməramlılarının Azərbaycan ərazilərindən çıxarılmasına dair sualı cavabındırarkən səsləndirib.

"Ötən ilin payızında Dağlıq Qarabağda baş verənlər bu baxımdan Rusiyanın etibarlı müttəfiq və ya tərəfdaş olmadığının başqa bir bariz nümunəsidir", - deyən Patel vurğulayıb ki, Vaşinqton davamlı, ləyaqətli sülh əldə etmək üçün Ermənistan və Azərbaycanın səylərini qətiyyətlə dəstəkləyir.

17 aprel

Rusiya sülhməramlıları Azərbaycandan gedir

"Rusiya sülhməramlılarının Azərbaycan ərazisindən vaxtından əvvəl çıxarılması barədə hər iki ölkənin ali rəhbərliyi qərar qəbul edib".

Bunu Azərbaycan prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Rusiya sülhməramlılarının Azərbaycan ərazisindən çıxarılması barədə məlumatla əlaqədar AZƏRTAC-ın sualını cavablandırarkən deyib.

"2020-ci il noyabrın 10-da imzalanmış üçtərəfli bəyanata əsasən, Azərbaycan ərazisində müvəqqəti olaraq yerləşdirilmiş Rusiya Federasiyası sülhməramlılarının ölkəmizin ərazisindən vaxtından əvvəl çıxarılması barədə hər iki ölkənin ali rəhbərliyi tərəfindən qərar qəbul edilib. Artıq proses başlanılıb, Azərbaycan və Rusiya müdafiə nazirlikləri həmin qərarın icrası ilə bağlı müvafiq tədbirləri həyata keçirirlər", - H.Hacıyev bildirib.

Arayış

İkinci Qarabağ savaşından sonra 10 noyabr anlaşması ilə Qarabağın dağlıq hissələrinə və Laçın dəhlizinə yerləşdirilən rusiyalı sülhməramlıların sayı ilə bağlı müxtəlif məlumatlar yayılıb. Razılaşmada onların sayı min 960 nəfər nəzərdə tutulsa da, Azərbaycanda bunun bir qədər çox olduğu ilə bağlı iddialar da səslənib.

Texnikaya gəldikdə isə, onun 90 zirehli transportyor, 380 avtomobil, xüsusi texnika, dörd "Mi-8", dörd "Mi-24" helikopteri və yeddi pilotsuz uçan aparatdan ibarət olduğu bildirilirdi.

Qarabağda xidməti vəzifələrini icra edərkən səkkiz Rusiya sülhməramlısının həlak olduğu açıqlanıb.

+++

Kreml Rusiya sülhməramlı qüvvələrinin Qarabağdan çıxarılmasının başlandığı barədə məlumatları təsdiqləyib.

"Interfax"ın məlumatına görə, Rusiya prezidentinin mətbuat katibi Dmitri Peskov "Bəli, bu, həqiqətən də belədir" deyib.

Aprelin 16-da sosial şəbəkələrdə Tərtər, Goranboy və Gədəbəy rayonlarında hərəkət etdiyi iddia olunan Rusiya hərbi texnikasının görüntüləri yayılıb. Qeyri-rəsmi mənbələr bildirir ki, Rusiya sülhməramlı kontingenti Azərbaycandan çıxarılaraq Dağıstana gedir.

Rusiya sülhməramlı kontingenti 2020-ci ildə Azərbaycana gəlib. Ondan əvvəl Rusiya ordusu 1993-cü ildə - Əbülfəz Elçibəyin prezidentliyi dövründə Azərbaycanı tərk etmişdi.

Azər Qasımlı
Azər Qasımlı

Rusiya sülhməramlılarının getməsi ilə bağlı: "Razılaşmalar nədir, onu bilmirik"

Siyasi Menecment İnstitutunun rəhbəri Azər Qasımlı hesab edir ki, rəsmi açıqlamada bütün suallara aydınlıq gətirilməlidir: "Biz bilməliyik, sülhməramlılar tam olaraq çıxarılır, yoxsa bir hissəsi qalacaq? Başqa suallar da var".

Onun fikrincə, əsas məsələ burasındadır ki, Azərbaycan Rusiyanın yaxın müttəfiqidir: "Onun da hazırda həyata keçirdiyi siyasət anti-Qərb siyasətidir və hər şeyi edir ki, Qərb bu bölgəyə gəlməsin. Mən düşünürəm ki, Azərbaycan və Rusiya iqtidarları arasında müəyyən razılaşmalar var. Bu belə olmur ki, günün bir günü 2025-ci il gəlmədən əvvəl qərar verdilər ki, Qarabağdan gedirik. Bu, müəyyən razılaşmalardan keçir. Biz də bu razılaşmalar nədir, onu bilmirik".

Ekspert hesab edir ki, bunun fonunda Qərblə Azərbaycanın münasibətləri olduqca pisdir: "Fikirləşirəm ki, hər şey böyük müharibəyə doğru gedir və regionu ona sürükləyən Rusiyadır".

"Müddəti uzatmaq niyyətimiz yox idi"

Milli Məclisin deputatı Elman Nəsirov isə 'Turan"a bildirib ki, Azərbaycan tərəfinin mövqeyi bəlli idi: "Bizim bu müddəti uzatmağa niyyətimiz yox idi, amma 5 illik müddəti gözləməli idik. Belə yanaşmalar da var idi ki, sülhməramlıların missiyası daha erkən bitəcək".

Onun sözlərinə görə, bu mövqeyi şərtləndirən amil o idi ki, sülhməramlıları Qarabağa gətirən səbəb artıq yoxdur: "Onlar ona görə gəlmişdilər ki, Qarabağda yaşayan ermənilərin təhlükəsizliyini təmin etsinlər. Keçən il sentyabrın 19-da aparılan antiterror əməliyyatından sonra ermənilər Qarabağı könüllü tərk ediblər və artıq orada ermənilər yaşamır. Belə olan halda, sülhməramlıların əsas missiyası aktuallığını itirib. Kreml rəhbərliyi, yəqin ki, bu reallıqları ölçüb-biçib və qərara gəlib ki, sülhməramlıları burada saxlamağın mənası yoxdur".

Rusiya sülhməramlıları Azərbaycandan başqa daha hansı bölgələrdədir?
Gözlə

No media source currently available

0:00 0:03:00 0:00

+++

Bütün bunlarla belə, təqribən iki həftə əvvəl Azərbaycan Minatəmizləmə Agentliyi (ANAMA) İdarə Heyətinin sədri Vüqar Süleymanov bildirmişdi ki, Rusiya sülhməramlılarının Xocalıda minatəmizləmə əməliyyatlarına cəlb edilməsi planlaşdırılır. O, sülhməramlı kontingentin minatəmizləmə əməliyyatlarına qoşulması ilə bağlı müəyyən sənədləşmə işlərinin aparıldığını vurğulamışdı: "Artıq onlar akkreditasiyadan keçirilir. Texnikalar, itlər və canlı qüvvələr yaxın vaxtlarda Xocalıda minatəmizləmə prosesinə cəlb olunacaq".

Xatırlatma

1990-cı illərin əvvəllərində Qarabağ münaqişəsi Azərbaycan və Ermənistan arasında toqquşmalara səbəb olmuşdu. Azərbaycanın Qarabağ bölgəsi, ətraf 7 rayonu işğal edilmişdi.

2020-ci ildə 44 günlük müharibə nəticəsində Bakı həmin 7 rayona, Qarabağın isə bir hissəsinə nəzarətini bərpa edib. Regiona (Laçın dəhlizi və Qarabağda təmas xəttinə) 5 illik Rusiya sülhməramlı kontingenti yerləşdirilib. (onun müddəti tərəflərin razılığı ilə artırıla bilər)

Bakı ötən il sentyabrın 19-20-də Qarabağda "lokal antiterror tədbirlər" elan edib. Yerevan bunu "etnik təmizlənmə" kimi dəyərləndirib. Qarabağdakı separatçı qurumun rəhbəri yeni ilə qədər bu qurumun fəaliyyətini dayandıracağını açıqlamışdı. Daha sonra da Qarabağdan Ermənistana əhali köçü başlayıb. Bundan sonra Rusiya sülhməramlılarının regionda qalma səbəbi mübahisələndirilməyə başlanmışdı.

Ülvi Həsənli və Sevinc Vaqifqızının həbs müddəti uzadılıb

Ülvi Həsənlinin saxlanması: Abzas media korrupsiya araşdırmalarına davam edəcək
Gözlə

No media source currently available

0:00 0:06:51 0:00

"AbzasMedia" onlayn nəşrinin direktoru Ülvi Həsənli və baş redaktoru Sevinc Vaqifqızının həbs-qətimkan tədbirinin müddəti daha 3 ay uzadılıb.

Bu barədə onların vəkilləri məlumat verib.

İyunun 12-də Xətai rayon Məhkəməsi istintaq orqanın (Daxili İşlər Nazirliyi) təqdimatına baxaraq onu təmin edib.

Ü.Həsənli ötən il noyabrın 20-də, S.Vaqifqızı isə bir gün sonra - noyabrın 21-də həbs olunub. Məhkəmə hər iki media işçisi barəsində 4 aylıq həbs-qətimkan tədbirin seçilməsi haqqında qərar verib. Daha sonra onların həbs müddəti daha 2 ay 29 gün uzadılmışdı.

Jurnalistlərə qarşı Cinayət Məcəlləsinin 206.3.2-ci (qrup halında qaçaqmalçılıq) maddəsi ilə ittiham irəli sürülüb. Onlar özlərini təqsirli bilmir və jurnalist fəaliyyətinə görə həbs olunduqlarını deyirlər.

Vəkil Elçin Sadıqov bildirib ki, Bakı İstintaq Təcridxanasında saxlanan S.Vaqifqızının sözlərinə görə, ona yaxınları ilə telefonla əlaqə saxlamağa imkan yaradılmır: "Sevinc dedi ki, axırıncı dəfə anası ilə danışarkən 1 saylı Bakı İstintaq Təcridxanasında nöqsanları ictimailəşdirmişdi. Bundan sonra ona telefonla danışmağa imkan verilmir".

Bir neçə gün əvvəl yaxınları bildirmişdi ki, S.Vaqifqızının anası Ofeliya Məhərrəmova qızı ilə telefon danışığı zamanı ona təcridxanada saxlanılan bəzi qadınların haqsız yerə cərimə otağına salınması və təhdid edilmələrini deyib.

S.Vaqifqızına yaxınları ilə telefonla əlaqə saxlamağa imkan yaradılmaması ilə bağlı deyilənlərə Penitensiar Xidmətdən münasibət öyrənmək mümkün olmayıb.

Lakin Penitensiar Xidmət bundan əvvəl iki qadın məhbusun cərimə kamerasına salındığı və onlarla pis rəftar olunduğu haqqında deyilənləri təkzib etmişdi. "Bakı İstintaq Təcridxanasında həbsdə saxlanılan, həssas kontingentə aid olan qadınların nəinki son günlər, eləcə də son bir il ərzində rejim qaydalarının pozuntusuna görə cərimə otağına keçirilmə faktları qeydə alınmayıb", - Penitensiar Xidmətin "Turan"ın sorğusuna cavabında vurğulanıb.

11 iyun

Ülvi Həsənlinin zorakılığa məruz qaldığı bildirilir

"AbzasMedia" nəşrinin həbsdə olan direktoru Ülvi Həsənlinin zorakılığa məruz qaldığı deyilir.

Bu barədə onun yaxınları məlumat verib. Onların sözlərinə görə, iyunun 6-da o, Xətai rayon Məhkəməsindən çıxarılarkən qolları arxadan qandallanıb: "Penitensiar Xidmətinin konvoy əməkdaşları onun qollarını yuxarı qaldırıb başını aşağı əyiblər və bu vəziyyətdə məhkəmə binasından çıxarıblar. Ülvi etiraz bildirəndə itələyərək zorakılıq ediblər".

Ü.Həsənlinin yaxınları qeyd edib ki, bu, artıq ikinci belə haldır.

Bu deyilənlərə Penitensiar Xidmətindən münasibət öyrənmək mümkün olmayıb. Amma bu qurumdan bundan əvvəl oxşar şikayətlərlə bağlı deyilib ki, onlar məhkum və həbs edilən şəxslər ilə yalnız qanun çərçivəsində davranırlar.

Ü.Həsənli ötən il noyabrın 20-də həbs olunub. Ona qarşı Cinayət Məcəlləsinin 206.3.2-ci (qaçaqmalçılıq-qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.

Nərgiz Absalamova
Nərgiz Absalamova

Nərgiz Absalamovanın da həbs müddəti artırıldı

İyunun 11-də "AbzasMedia işi" üzrə həbs olunan jurnalist Nərgiz Absalamovanın həbs-qətimkan tədbirinin müddəti daha 3 ay uzadılıb.

Bu barədə vəkil Şəhla Hümbətova məlumat verib. Vəkilin sözlərinə görə, Xətai rayon Məhkəməsində keçirilən prosesdə istintaq orqanının təqdimatı təmin edilib və həbs-qətimkan tədbiri sentyabrın 20-nə kimi uzadılıb.

N.Absalamova ötən il noyabrın 30-da həbs olunub. Dekabrın 1-də barəsində 3 ay müddətinə həbs-qətimkan tədbiri seçilib. Bu il fevralın sonunda Absalamovanın həbs müddəti 3 ay, mayın 25-də isə daha 22 gün artırılmışdı.

Ona qarşı 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb. Jurnalist özünü təqsirli bilmir və həbsini jurnalist fəaliyyəti ilə əlaqələndirir.

10 iyun

'AbzasMedia işi' üzrə bəzi jurnalistlərin həbs müddəti uzadılıb

"AbzasMedia işi" üzrə həbs edilmiş jurnalistlərdən Elnarə QasımovaHafiz Babalının həbs-qətimkan tədbirinin müddəti uzadılıb.

Bu barədə qərar iyunun 10-da Xətai rayon Məhkəməsində qəbul olunub.

Məhkəmə bununla bağlı istintaq orqanın təqdimatıni təmin edib.

Məhkəmə qərarı ilə E.Qasımovanın həbs müddəti iki ay, H.Babalının isə bir ay uzadılıb.

Hafiz Babali 2023-cü ilin dekabrın 14-də məhkəməyə qədər ilkin dövr üçün 3 aylıq həbs edilmişdi. Martın 7-də həbs qətimkan tədbiri iyunun 13-ə qədər uzadılmışdı. Bununla da onun həbs müddəti daha 1 ay uzadılıb

Elnarə Qasımova barəsində isə bu il yanvarın 15-də 2 ay 17 günlük həbs qəti imkan tədbiri seçilmişdi. Martın 7-də onun barəsində seçilmiş həbs qətimkan tədbiri də 3 ay uzadılmışdı. Bu gün, iyunun 10-da onun həbs müddəti əlavə 2 ay uzadılıb.

Xatırlatma

Ötən ilin noyabrından başlayaraq Azərbaycanda qruplar halında 20 civarında jurnalist, ictimai fəal həbs edilib. Onların əvvəlcə çoxu "AbzasMedia işi" ilə əlaqəli olub. Həmin işdə öncə saytın direktoru Ülvi Həsənli, əməkdaşı Məhəmməd Kekalov, baş redaktoru Sevinc Vaqifqızı həbs edilib. Daha sonra bu işə aid həbslər jurnalistlər Hafiz Babalı, Nərgiz Absalamova və Elnarə Qasımova ilə davam edib. Onların bundan əvvəl də həbs müddətləri artırılıb.

Həmin şəxslər qaçaqmalçılıqda ittiham edilirlər. Amma ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 siyasi məhbus var.

Rəsmilər isə, bir qayda olaraq, vurğulayırlar ki, ölkədə heç kim sırf peşə fəaliyyəti ilə bağlı, siyasi əsaslar ilə həbs edilmir.

Azərbaycan və İranda taktiki təlimlər keçiriləcək

Azərbaycan və İran ordularının hazırlıq məsələlərində əməkdaşlıq edəcəklər.

Bu barədə Azərbaycan Müdafiə Nazirliyinin məlumatında bildirilir.

Məlumata görə, 2024-cü ilin planına uyğun, iyunun 12-də Azərbaycan ordusunun Naxçıvan Muxtar Respublikasında dislokasiya olunan bölmələri ilə taktiki təlim keçiriləcək.

Bildirildiyinə görə, təlimə şəxsi heyət, döyüş texnikası, aviasiya vasitələri və pilotsuz uçuş aparatları cəlb olunacaq:

“Azərbaycanla İran arasında əldə olunmuş razılaşma əsasında İran ordusunun müvafiq qüvvə və vasitələrinin cəlb edilməsi ilə eyni vaxtda qonşu dövlətin ərazisində də taktiki təlim keçiriləcək.”

Açıqlamaya görə, hər iki ölkədə keçiriləcək təlimlərdə strateji obyektlərin və kommunikasiya xətlərinin mümkün təxribat-diversiya fəaliyyətlərindən mühafizəsi üzrə müxtəlif tapşırıqlar koordinasiyalı şəkildə yerinə yetiriləcək.

Xatırlatma

Əslində ötən ilin ortalarına qədər İran ilə Azərbaycanın münasibətlərində müəyyən gərginliklər müşahidə edilib.

2023-cü il yanvarın 27-də Azərbaycanın İrandakı səfirliyinə silahlı hücum olub. Səfirliyin mühafizə xidmətinin bir əməkdaşı həlak olub, ikisi yaralanıb.

Bundan sonra səfirliyin əməkdaşları Azərbaycana təxliyə olunub. Amma son bir ildə, xüsusilə də son aylarda hər iki tərəfdən bir-birlərinə yönəlik müsbət dəyərləndirmələr səslənir. Halbuki, münasibətlərin gərgin dövrlərində rəsmilər qarşılıqlı ittihamlar səsləndirir, hətta hər iki tərəf bir-birinin sərhədində ayrı-ayrılıqda hərbi təlimlər keçirirdilər.

İranda Azərbaycan-İsrail, Azərbaycanda isə İran-Ermənistan münasibətlərinin inkişafı tənqidlərlə qarşılanıb.

Xocalı qətliamında ittiham edilən Beqlaryan Bakıda məhkəmə qarşısında

Raşid Beqlaryan
Raşid Beqlaryan

Xocalıda azərbaycanlıların kütləvi qətlində, Xankəndidə uşaq xəstəxanasında saxlanılan əsirlərə işgəncə verməkdə ittiham olunan Raşid Beqlaryanın Azərbaycanda məhkəməsi gedir.

Onun işinə Füzuli Hərbi Məhkəməsinin hakimləri baxsalar da, iyunun 7-də proses Bakıda - Sabunçu rayon Məhkəməsinin inzibati binasında keçirilib.

Məhkəmədə bir sıra sənədlər açıqlanıb.

“Onların hamısını mənə dostum danışıb”

R.Beqlaryanın istintaqdakı ifadələrində onun Xocalı faciəsinin törədilməsində, azərbaycanlıların kütləvi qətlində iştirakı etiraf olunur.

Məhkəmədə isə o, bunları təkzib edərək deyib ki, baş verənləri dostu Seqo Doluxanyandan eşidib.

R. Beqlaryan istintaqdakı ifadəsində S.Doluxanyanın Əsgəran bölüyünün döyüşçüsü olduğunu bildirib.

“Olanların hamısını mənə dostum danışıb. Mən həmin vaxt sürücü işləyir, ərzaq daşıyırdım”, - Beqlaryan məhkəmədə belə söyləyib.

O, “Beqlaryanın döyüş yolu” adlı xatirələrində yazdıqlarını da təkzib edib və deyib ki, pensiya almaq üçün müharibədə xidmətləri haqda şişirdilmiş məlumatlar yayıb.

Sənədlərin tədqiqi zamanı Fransadan müxtəlif vaxtlarda ona 2 milyon avroya yaxın pul köçürüldüyü üzə çıxıb. Beqlaryan bu pulun yardım məqsədilə göndərildiyini bildirib.

Məhkəmə davam edir.

Xatırlatma

Raşid Beqlaryan ötən il avqustun 1-də Azərbaycan-Ermənistan sərhədinin Laçın rayonunun Zabux kəndi ərazisindən keçən hissəsində saxlanılıb. Onun dövlət sərhədini pozduğu iddia edilib.

Dövlət Təhlükəsizliyi Xidmətində (DTX-da) ona qarşı Azərbaycan Cinayət Məcəlləsinin 112-ci (beynəlxalq hüquq normalarına zidd azadlıqdan məhrum etmə), 113-cü (işgəncə), 115.2-ci ( müharibə qanunlarını və adətlərini pozma), 279.1-ci (qanunvericiliklə nəzərdə tutulmayan silahlı birləşmələri və ya qrupları yaratma) və 318.1-ci (qanunsuz miqrasiyanın təşkili) maddələrilə ittiham irəli sürülüb.

Ermənistan mediası Beqlaryanın sərxoş halda yaşadığı kəndi tərk etdiyini və azaraq Azərbaycan ərazisinə keçdiyini və həbs olunduğunu yazıb.

AXCP sədrinin müavini sərbəst buraxılıb

Ayaz Məhərrəmli
Ayaz Məhərrəmli

AXCP sədrinin müavini Ayaz Məhərrəmli iyunun 7-də sərbəst buraxılıb.

Bu barədə onun özü məlumat verib.

A.Məhərrəmli deyib ki, taksi fəaliyyəti ilə məşğuldur və iyunun 6-da Şirvan şəhərinə bağlama aparıb: "Bağlamanı gətirmişəm, evə çörək yeməyə dəvət ediblər. 10 dəqiqədən sonra evə polis gəlib, bildiriblər ki, qonşuların oğurluqla bağlı şikayətləri var. Məni də aparıblar bölməyə. Bu gün, iyunun 7-də isə İnzibati Xətalar Məcəlləsinin 510-cu (Xırda xuliqanlıq) maddəsi ilə 150 manat cərimələyərək buraxdılar".

AXCP sədrinin müavini saxlanıb

Azərbaycan Xalq Cəbhəsi Partiyasının (AXCP) sədr müavini Ayaz Məhərrəmli saxlanıb.

Partiyadan AzadlıqRadiosuna verilən məlumata görə, A.Məhərrəmli ilə iyunun 6-da axşam saatlarından əlaqə saxlamaq mümkün olmayıb. İyunun 7-də isə onun saxlandığı və oğurluqda ittiham edildiyi ilə bağlı məlumat alıblar: "Bu, mümkün deyil. O, taksi sürücüsü işləyirdi, ola bilsin ki, hansısa evə çanta daşımağa kömək edib. Görünür ki, hökumətin bütün ittihamları tükənib, indi buna əl atıblar".

AXCP hesab edir ki, A.Məhərrəmlinin həbsi birbaşa onun siyasi fəaliyyəti ilə bağlıdır.

Daxili İşlər Nazirliyi (DİN) Mətbuat xidmətindən isə "Turan"a bildirilib ki, iyunun 6-da saat 23 radələrində "102" zəng mərkəzinə Şirvan şəhərində evlərin birinə oğurluq məqsədilə naməlum şəxsin girməsi və bunun kameraya düşməsi ilə bağlı müraciət daxil olub.

"Çağırış üzrə həmin ünvanda olan şəxs saxlanılaraq Şirvan şəhər Polis Şöbəsinə gətirilib. Araşdırmalarla həmin şəxsin Bakı şəhər sakini, əvvəllər dəfələrlə məhkum olunan, 1982-ci il təvəllüdlü Məhərrəmov Ayaz Həbib oğlu olması müəyyən edilib", - məlumatda əlavə edilib.

Xatırlatma

Hazırda AXCP-nin 10-a qədər fəalı uzunmüddətli həbsdədir. Onlar müxtəlif ittihamlarla üzləşsələr də, partiya onların siyasi sifariş ilə həbs edildiyini açıqlayıb.

Bəzi yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 arasında siyasi məhbus var. Azərbaycan rəsmiləri isə ölkədə siyasi məhbus olması ilə bağlı deyilənləri qəbul etmirlər. Onlar vurğulayırlar ki, siyasi məhbus siyahısında yer alan şəxslər sırf törətdikləri əmələ görə mühakimə ediliblər.

Alya Yaqublu polisdə ifadə verib

Alya Yaqublu
Alya Yaqublu

Jurnalist Alya Yaqublu iyunun 6-da Bakı Şəhər Baş Polis İdarəsində "ToplumTV işi" üzrə şahid qismində ifadə verib.

Bu barədə onun özü jurnalistlərə danışıb.

O qeyd edib ki, suallar barədə istintaq sirri olduğu üçün ətraflı məlumat verə bilmir: "Amma sualların çoxu absurd və işə heç bir aidiyyəti olmayan idi".

A.Yaqublunun fikrincə, bu, işin qurama və saxta olduğunu göstərir.

"Ölkədə bu qədər qanunsuzluqlar var ikən, ölkə korrupsiya bataqlığında ikən hüquq-mühafizə orqanları bir ovuc jurnalistin və bir neçə siyasi fəalın, guya ki, cinayət törətməsi ilə bağlı yekə bir proses başladıb saatları bunlara sərf edirlər...", - o vurğulayıb.

Məsələ ilə bağlı Daxili İşlər Nazirliyi ilə danışmaq mümkün olmayıb.

Xatırlatma

Ötən ilin noyabrından başlayaraq Azərbaycanda aralarında ToplumTV, AbzasMedia nəşrinin əməkdaşları da olmaqla qruplar halında 20 civarında jurnalist, ictimai fəal həbs edilib. Onlar, əsasən, qaçaqmalçılıqda ittiham edilirlər. Amma ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 siyasi məhbus var.

Rəsmilər isə, bir qayda olaraq, vurğulayırlar ki, ölkədə heç kim sırf peşə fəaliyyəti ilə bağlı, siyasi əsaslar ilə həbs edilmir.

Azərbaycanda rus dilinin onlara lazım olacağını bilirlər - Putin

Vladimir Putin
Vladimir Putin

"Mən bilirəm ki, prezident Əliyev respublikada rus dilinin öyrənilməsini hərtərəfli dəstəkləyir".

Bunu Rusiya prezidenti Vladimir Putin iyunun 5-də beynəlxalq informasiya agentliklərinin rəhbərləri ilə görüşündə deyib.

"Bu, bütün vektorlar üzrə müşahidə edilir. Bu, nədən xəbər verir? Bu, ondan xəbər verir ki, Azərbaycan rəhbərliyi Azərbaycan vətəndaşlarına rus dilinin lazım olacağını bilir", - Kreml rəhbəri bildirib.

Putin Moskva ilə Bakı arasındakı münasibətlərdən məmnunluqla danışıb, Rusiya-Azərbaycan əlaqələrinin "uğurla, etibarlı, çox praqmatik" inkişaf etdiyini vurğulayıb.

"Biz Azərbaycan rəhbərliyinin dövlətlərarası əlaqələrimizin məhz qarşılıqlı maraq və mən deyərdim ki, bir-birinə müəyyən səviyyədə rəğbət əsasında qurulmasının tərəfdarı olduğunu hiss edirik. Azərbaycanda rus dilində fəaliyyət göstərən və uşaqlara təhsil verən 300 məktəbin mövcudluğunu başqa cür izah etmək mümkün deyil", - Rusiya prezidenti əlavə edib.

Azərbaycanda 4 min 400 ümumtəhsil müəssisəsi var. Tədrisin rus dilində aparıldığı məktəblərin olması birmənalı qarşılanmır.

"Dövlətçilik üçün təhlükə" - keçmiş nazirin rusdilli təhsil alanların Azərbaycanca bilməməsini qiymətləndirməsi
Gözlə

No media source currently available

0:00 0:05:13 0:00

İqtisadçı Fərid Mehralızadə azadlığa buraxılmadı

Fərid Mehralızadə
Fərid Mehralızadə

İqtisadçı Fərid Mehralızadə bərəsində Xətai rayon Məhkəməsinin həbs qərarından verilmiş apellyasiya şikayəti təmin olunmayıb.

Bu barədə vəkil Cavad Cavadov məlumat verib. Onun sözlərinə görə, iyunun 6-da Bakı Apellyasiya Məhkəməsi qərarı qüvvədə saxlayıb: "Məhkəmədə biz həbsin qanunsuz olduğu barədə öz dəlillərimizi təqdim etdik. Fərid özü də çıxışında bu dəlilləri müdafiə etdi və bildirdi ki, onun həbsi üçün heç bir əsas yoxdur. O, AbzasMedia nəşri ilə heç bir əməkdaşlığı olmadığını bildirdi. Təəssüf ki, məhkəmə tərəfindən bunlar nəzərə alınmadı".

C.Cavadov vurğulayıb ki, F.Mehralızadənin saxlanma şəraiti ilə bağlı şikayəti yoxdur.

5 iyun

Vaşinqtondan reaksiya

Amerika Birləşmiş Ştatları (ABŞ) Azərbaycan hökumətinə "haqsız olaraq tutulan bütün şəxsləri dərhal azad etmək" barədə çağırışını təkrarlayıb.

"İfadə azadlığı da daxil olmaqla, öz əsas azadlıqlarından istifadə edənlər buna görə həbs olunmamalıdırlar", - İyunun 5-də brifinq zamanı ABŞ Dövlət Departamentinin sözçüsü Metyu Miller iqtisadçı Fərid Mehralızadənin həbsi ilə bağlı "Turan"ın sorğusuna cavabında bildirib.

"Biz Azərbaycan hökumətini haqsız saxlanılan bütün şəxsləri dərhal buraxmağa və hər kəs üçün insan hüquqlarına, əsas azadlıqlara hörmət etməyə çağırırıq", - o vurğulayıb.

Vaşinqtondan səslənən fikirlərə Azərbaycan rəsmilərindən münasibət almaq mümkün olmayıb.

1 iyun

İqtisadçı Fərid Mehralızadə həbs edilib

İyunun 1-də Xətai rayon Məhkəməsində iqtisadçı Fərid Mehralızadə barəsində 3 ay 20 gün müddətinə həbs- qətimkan tədbiri seçilib.

Bu barədə onun xanımı Nərgiz Muxtarova məlumat verib. Onun deməsinə görə, F.Mehralızadə Cinayət Məcəlləsinin 206.3.2-ci (qaçaqmalçılıq - qabaqcadan əlbir olan bir qrup şəxs tərəfindən törədildikdə) maddəsi ilə ittiham olunur: "İttiham "AbzasMedia işi" ilə bağlıdır. Fərid, təbii ki, ittihamı qəbul etmir".

N.Muxtarova F.Mehralızadə saxlanan gün, mayın 30-da evlərində axtarış aparılması ilə də bağlı məlumat verib: "Mənim telefonumu, Fəridin telefonunu və istifadə edilməyən daha bir neçə köhnə telefonu götürdülər".

Xanımının sözlərinə görə, F.Mehralızadə saxlanarkən onunla pis rəftar olunub, yolda başına torba keçirilib: "Fəridin "AbzasMedia" nəşri ilə əlaqəsi olmayıb. Həmin vaxt ifadəyə də çağırılmayıb. Çağırılsaydı, normal şəkildə gedərdi".

Bu açıqlamaya istintaqı aparan Daxili İşlər Nazirliyi (DİN) və başqa rəsmi qurumlardan münasibət almaq mümkün olmayıb.

Xatırlatma

Son altı ayda Azərbaycanda aralarında ToplumTV, "AbzasMedia" nəşrinin əməkdaşları da olmaqla qruplar halında 20 civarında jurnalist, ictimai fəal həbs edilib. Onlar, əsasən, qaçaqmalçılıqda ittiham edilirlər. Amma ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 siyasi məhbus var.

Rəsmilər isə, bir qayda olaraq, vurğulayırlar ki, ölkədə heç kim sırf peşə fəaliyyəti ilə bağlı, siyasi əsaslar ilə həbs edilmir.

Həbsdəki Xalq Cəbhəsi üzvü ilə bağlı prokurorluğa şikayət verilib

Mehman Əliyev
Mehman Əliyev

Azərbaycan Xalq Cəbhəsi Partiyasının (AXCP) həbsdə olan üzvü Mehman Əliyevin 1 saylı Bakı İstintaq Təcridxanasında aclıq aksiyası keçirdiyi bildirilir. Onun həbsinə etiraz etdiyi deyilir.

O, iyunun 4-də ailə üzvləri ilə telefonla danışıb. Yaxınlarının bildirməsinə görə, M.Əliyev deyib ki, aksiyaya iyunun 1-də başlayıb.

Onun atası Aydın Əliyevin verdiyi məlumata görə, oğlu saxlanıldıqdan sonra polis bölməsində döyüldüyünü bildirib. Ata həmçinin ailə üzvlərinin M.Əliyev ilə görüşünə icazə verilmədiyini qeyd edib.

Müdafiə tərəfinin məsələ ilə bağlı prokurorluğa ərizə verdiyi də bildirilir. Amma şikayətə, hələlik, Baş Prokurorluqdan və Daxili İşlər Nazirliyindən (DİN) münasibət almaq mümkün olmayıb.

Penitensiar Xidmətdən isə "Turan"a bildiriblər ki, Əliyev İstintaq Təcridxanasının rəhbərliyini aclıq etdiyi haqqında rəsmi qaydada məlumatlandırmayıb, qohumları ilə görüşü isə müstəntiqdən asılı məsələdir.

M.Əliyev Cinayət Məcəlləsinin 234.4.3-cü (külli miqdarda narkotik vasitələrin qanunsuz dövriyyəsi) maddəsi ilə ittiham olunur. Bu maddə ilə 5 ildən 12 ilədək azadlıqdan məhrumetmə cəzası nəzərdə tutulur.

Atası oğlunun narkotiklər ilə hər-hansı əlaqəsinin olduğunu inkar edir. Onun sözlərinə görə, oğlunun həbsinin əsl səbəbi onun mayın 22-də Şirvanda qohumu Əli İsayev adlı şəxsin saxlanılması cəhdini videoya çəkməsi olub: "Oğlum bu hadisənin şahidi olub və çəkiliş aparmağa başlayıb, sonra isə videogörüntüləri yayıb. Buna görə də onu narkotik vasitələri yaymaqda ittiham ediblər".

Mayın 24-də DİN Şirvan şəhərində iki şəxsin – Ə.İsayev və M.Əliyevin saxlandığını açıqlamışdı. Qurumun açıqlamasına görə, onların üzərində külli miqdarda heroin aşkar edilib və götürülüb.

İttihama digər saxlanan – Ə.İsayev və vəkilinin münasibəti isə bəlli deyil.

Xatırlatma

Hazırda AXCP-nin 10-a qədər fəali uzunmüddətli həbsdədir. Onlar müxtəlif ittihamlarla üzləşsələr də, partiya onların siyasi sifariş ilə həbs edildiyini açıqlayıb. Bəzi yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 siyasi məhbus var. Azərbaycan rəsmiləri isə ölkədə siyasi məhbus olması ilə bağlı deyilənləri qəbul etmirlər. Onlar vurğulayırlar ki, siyasi məhbus siyahısında yer alan şəxslər sırf törətdikləri əmələ görə mühakimə ediliblər.

Akif Qurbanovun həbsdə təhdid olunduğu bildirilir

Akif Qurbanov
Akif Qurbanov

III Respublika Platformasının həbsdə olan spikeri Akif Qurbanovun təhdidə məruz qaldığı deyilir.

Bu barədə iyunun 4-də III Respublika Platformasının bəyanatında bildirilir.

Bəyanata görə, yüksək rütbəli bir dövlət məmuru A.Qurbanovun saxlandığı Bakı İstintaq Təcridxanasına gələrək ondan özünümüdafiə xarakterli çıxışlardan imtina etməsini və dövlət başçısının adını çəkməməsini tələb edib: "Əks təqdirdə ona qarşı pis rəftarın tətbiq ediləcəyi, hətta işgəncəyə məruz qalacağı ilə təhdid edilib".

Bildirilir ki, ToplumTV və Demokratik Təşəbbüslər İnstitutu ilə bağlı həbs edilmiş digər şəxslərə də Qurbanov məhkəmə çıxışlarına davam edərsə, onların vəziyyətinin daha da ağırlaşacağı deyilib: "...Hətta istintaq təcridxanası, cəzaçəkmə müəssisələrində də siyasi məhbuslar pis rəftar və işgəncəyə məruz qalma təhlükəsi ilə üz-üzədirlər".

Bu bəyanata, hələlik, Penitensiar Xidmət və başqa rəsmi qurumlardan münasibət öyrənmək mümkün olmayıb.

Akif Qurbanova ailəsi ilə görüş verilmədiyi deyilir

İyunun 1-də III Respublika Platformasının həbsdə olan spikeri Akif Qurbanova ailə üzləri - valideynləri ilə görüş verilmədiyi bildirilir.

Bu barədə məlumatı iyunun 2-də III Respublika Platforması yayıb. Bildirilib ki, ailəsinin A.Qurbanova apardıqları sovqat dəfələrlə və çox sərt yoxlanılıb, selektiv qəbul edilib: "Ona aparılan kitablar da geri qaytarılıb".

"Akif Qurbanov iyunun 1-də həmçinin telefon ilə ev ilə danışmalı idi. Ona bu hüququndan da istifadə etməyə icazə verilməyib",- məlumatda əlavə edilib.

III Respublika Platforması bunu A.Qurbanovun son məhkəmə çıxışı ilə bağlı olduğunu ehtimal edir: "Onun üzləşə biləcəyi problemlərdən ciddi narahatıq. Ona görə də Akif Qurbanovun ailə üzvləri ilə görüşməsi, telefonla əlaqə saxlamaq hüququnun təmin olunmasını tələb edir, ictimaiyyəti bu məsələyə biganə qalmamağa çağırırıq".

A.Qurbanovun vəkili Şəhla Hümbətova onunla ötən həftədən görüşmədiyini, amma ailəsindən bu barədə eşitdiyini deyib: "Mən yalnız onunla görüşəndən sonra konkret nəsə deyə bilərəm".

A.Qurbanov sonuncu məhkəmə çıxışında Azərbaycandakı idarəetməni Stalin rejimi ilə müqayisə etmişdi: "İndi Azərbaycanda Stalin üslubu icra olunur. Necə ki, Stalin direktiv göndərərək "minin belinə, etiraf edincə düşməyin" üslubunu tələb edir, NKVD (SSRİ Xalq Daxili İşlər Komissarlığı) də icra edirdi".

Penitensiar Xidmət təkzib edib

Məsələ ilə bağlı Penitensiar Xidmətdən "Turan"a bildirilib ki, qeyd olunanlar həqiqəti əks etdirmir: "Həbs edilmiş şəxs Akif Qurbanovun telefon danışıqlarına, görüşlərinə məhdudiyyət qoyulmamış, qanunvericilikdə nəzərdə tutulmuş qaydada və sayda ona ailə üzvləri ilə görüşmək, telefonla zəng etmək, sovqat qəbul etmək üçün şərait yaradılır".

Xatırlatma

Martın 7-də həbs olunan və evində axtarış aparılan III Respublika Platformasının təsisçilərindən Akif Qurbanov barəsində CM-nin 206.3.2-ci (bir qrup şəxs tərəfindən qaçaqmalçılıq) maddəsi ilə cinayət işi başlanıb. Amma o, ittihamı qurama, siyasi hesab edir.

Son altı ayda Azərbaycanda aralarında ToplumTV, AbzasMedia nəşrinin əməkdaşları da olmaqla qruplar halında 20 civarında jurnalist, ictimai fəal həbs edilib. Onlar, əsasən, qaçaqmalçılıqda ittiham edilirlər. Amma ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 250-300 siyasi məhbus var.

Rəsmilər isə, bir qayda olaraq, vurğulayırlar ki, ölkədə heç kim sırf peşə fəaliyyəti ilə bağlı, siyasi əsaslar ilə həbs edilmir.

'Zığ' zavodunda beş nəfər qazdan zəhərlənərək ölüb

İyunun 3-də saat 17:00 radələrində Azərbaycan Xəzər Dəniz Gəmiçiliyi" Qapalı Səhmdar Cəmiyyətinin (ASCO) “Zığ" Gəmi Təmiri və Tikintisi Zavodunun 61 saylı üzən tərsanəsində təmir işləri aparılarkən zavodun 5 əməkdaşının qazdan zəhərləndiyi bildirilir.

Bu barədə ASCO məlumat yayıb.

Məlumatda qeyd olunub ki, üzən tərsanədə işləyən 4 işçidən səs gəlmədiyini görən növbətçi həmkarlarının arxasınca tərsanənin ballastının nasos bölməsinə daxil olub, lakin o da qazdan zəhərlənib.

Məlumatda əlavə edilir ki, əraziyə Fövqəladə Hallar Nazirliyinin (FHN) xüsusi briqadası cəlb olunub:

“Hadisənin baş verdiyi yerdən 5 nəfərin meyiti çıxarılıb.Hadisənin baş vermə səbəbləri haqqında araşdırmalardan sonra daha ətraflı məlumat veriləcək.”

Hələlik, məsələyə həlak olan işçilərin yaxınlarından münasibət almaq mümkün olmayıb.

Tibbi Ərazi Bölmələrini İdarəetmə Birliyindən (TƏBİB) isə “Turan”a bildirilib ki, Respublika Təcili və Təxirəsalınmaz Tibbi Yardım Mərkəzinə saat 17:00 radələrində ASCO-nun “Zığ" Gəmi Təmiri və Tikintisi Zavodunun 61 saylı üzən tərsanəsində qazdan zəhərlənmə səbəbilə çağırış daxil olub:

“Hadisə yerinə dərhal 9 təcili tibbi yardım briqadası yönləndirilib.5 nəfərin həkiməqədər ölümü qeydə alınıb. Zərərçəkən 2 nəfər isə tüstüdən zəhərlənmə diaqnozu ilə Kliniki Tibbi Mərkəzin Toksikologiya şöbəsinə hospitalizasiya olunub.”

Azərbaycanda iş yerlərində ölüm hallarının ötən il artdığı açıqlanıb. Rəsmi məlumatlara görə, 2023-cü ildə istehsalatda 465 bədbəxt hadisə qeydə alınıb:

"İstehsalatda baş vermiş bədbəxt hadisələr nəticəsində 78 nəfər ölüb, 431 nəfər xəsarət alıb".

2022-ci ildə isə istehsalatda baş verən bədbəxt hadisələr zamanı 34 nəfərin vəfat etdiyi, 247 nəfərin isə xəsarət aldığı vurğulanmışdı.

Bakı deyir ki, həbslər ayrı, COP29 ayrı...

Ülvi Həsənlinin saxlanması: Abzas media korrupsiya araşdırmalarına davam edəcək
Gözlə

No media source currently available

0:00 0:06:51 0:00

Avropa İttifaqı (Aİ) Azərbaycanı "əsas hüquqlarını həyata keçirdiklərinə görə həbsdə olan" bütün şəxsləri buraxmağa, məhbuslar üçün ləyaqətli və təhlükəsiz şəraiti təmin etməyə çağırır.

Aİ mayın 29-da yaydığı bəyanatında prezident İlham Əliyevin mayın 25-də əfv sərəncamı imzaladığı, ancaq əvvəlki illərdən fərqli olaraq bu dəfə sənədin fundamental hüquqlarını həyata keçirdiklərinə görə cəza çəkən şəxslərə şamil olunmadığı vurğulanır.

"Azərbaycanın noyabrda ev sahibliyi edəcəyi BMT İqlim Dəyişikliyi Konfransının (COP 29) mərkəzində vətəndaş cəmiyyətinin iştirakı dayanır. COP29 Azərbaycan üçün beynəlxalq hüquq üzrə öhdəliklərinə sadiqliyini təsdiq etmək və azad, müstəqil vətəndaş cəmiyyətinin işinə şərait yaratmaq imkanıdır. Bu, həm də... Şərq Tərəfdaşlığının üzvü kimi Azərbaycanın öhdəliklərinə uyğundur.", - Aİ Diplomatik Xidmətinin açıqlamasında bildirilir.

+++

"Azərbaycanın COP29-a sədrliyinin bu prosesə aidiyyəti olmayan siyasi motivlərlə şərtləndirilməsi.. iqlim dəyişikliyi ilə mübarizədə əməkdaşlıq istiqamətində ideyanın mahiyyətinə ziddir", - Azərbaycan Xarici İşlər Nazirliyinin Aİ-nin bəyanatına şərhində bildirilir.

Vurğulanır ki, təhqiqatların, məhkəmə qərarlarının nəticələrini gözləmək əvəzinə, təqsirləndirilən şəxslərin azad olunması üçün çağırışlar hüquqi prosedurlar ilə açıq ziddiyyət təşkil edir.

+++

Mayın 25-də prezident İlham Əliyev "Məhkum edilmiş bir sıra şəxslərin əfv olunması haqqında" Sərəncam imzalayıb. Sərəncam ümumilikdə 154 nəfərə şamil edilib. Sənədə əsasən, azadlıqdan məhrumetmə cəzasına məhkum olunmuş 63 nəfər cəzasının çəkilməmiş hissəsindən azad edilib. Sərəncamda ölkədə siyasi məhbus sayılan şəxslərdən birinin də adı yoxdur.

Xatırlatma

Son altı ayda Azərbaycanda aralarında ToplumTV, habelə "Abzas Media" nəşrinin əməkdaşları da olmaqla qruplar halında 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında ümumilikdə 250-300 siyasi məhbus var. Azərbaycan rəsmiləri isə ölkədə siyasi məhbus olması ilə bağlı deyilənləri qəbul etmirlər. Onlar vurğulayırlar ki, siyasi məhbus siyahısında yer alan şəxslər sırf törətdikləri əmələ görə mühakimə ediliblər.

İsveçdən qaytarılan Famil Xəlilovun səhhətində əlavə problemlər yarandığı deyilir

Famil Xəlilov
Famil Xəlilov

Ötən il İsveçdən readmissiya qaydasında Azərbaycana qaytarılan və mayın 2-də həbs olunan I qrup əlil Famil Xəlilovla bugün, mayın 28-də, 1 saylı Bakı İstintaq Təcridxanasında həyat yoldaşı Kiçikxanım Xəlilova görüşüb.

Onun deməsinə görə, həyat yoldaşının hərəkət qabiliyyəti olmayan qollarında çürümə prosesi gedir.

F.Xəlilovla deyir ki, həyat yoldaşının sözlərinə görə, o mayın 17-də həbsinə etiraz olaraq başladığı aclıq aksiyasını da dayandırıb:

"Ona vəd verilib ki, işə ədalətli baxılacaq və Famil 2 gün aclıqdan sonra aksiyanı dayandırıb".

K.Xəlilova qeyd edib ki, həyat yoldaşının səhhətində əlavə problemlər yaranıb:

"Famil evdə olanda onun qolları iflic olduğuna görə, mən ona qulluq edirdim. Əllərini yuyurdum, maz çəkirdim. İndi onu edən yoxdur. Üstəlik də o ayaq üstə dayana bilsin deyə əlləri arxadan bağlayırdıq. İndi isə əlləri bağlı olduğuna görə, əllərində çürümə başlayıb. Bunu mənə təcridxanadakı həkimlər dedi".

K.Xəlilovanın sözlərinə görə, F.Xəlilov təcridxananın tibb-sanitar hissəsində saxlanılır və bütün lazım olan dərmanlarla təchiz olunur.

Hələlik, bu açıqlamya Penitensiar Xidmətin Tibb Baş İdarəsi və başqa rəsmi qurumlardan münasibət almaq mümkün olmayıb.

Yaxınları F.Xəlilovun həbs edilərkən də aclıq aksiyasına başladığını, daha sonra isə aksiyanı dayandırdığını açıqlamışdılar.

Xəlilov mayın 4-də saxlanıb. Ona qarşı Cinayət Məcəlləsinin 234.4.3-cü (külli miqdarda narkotik vasitənin qanunsuz dövriyyəsi) maddəsi ilə ittiham irəli sürülüb. İttiham sübut olunarsa o, 12 ilədək azadlıqdan məhrum edilə bilər.

Yaxınları onun tənqidi statuslarına görə, şərləndiyini vurğulayırlar.

Amma rəsmilər bir qayda olaraq insanların ölkədə tənqidi mövqelərinə görə, əsassız yerə təqib edilmələri ilə bağlı deyilənləri qəbul etmirlər.

Xatırlatma

Son illər Avropa ölkələrindən (əsasən, Almaniyadan) Azərbaycana readmissiya edilən şəxslərdən, azı, beş nəfər narkotik və başqa ittihamlarla həbs edilib.

Onların yaxınları həmin şəxslərin həbsini mühacirətdə olarkən Azərbaycanla bağlı etiraz aksiyalarında fəallıqları ilə izah edib.

Yaxınları onların həbs zamanı işgəncə ilə üzləşdiyini də açıqlayıblar. Rəsmi qurumlar bu iddiaları qəbul etməyib.

Readmissiya – dövlət tərəfindən digər ölkələrin ərazisinə qeyri-qanuni daxil olan şəxslərin geri qəbul edilməsidir.

Bu saziş vətəndaşını geri qəbul edən ölkənin üzərinə müəyyən öhdəliklər qoyur. Həmin şəxslərin əsassız təqibi yolverilməz sayılır və hökumət onların üzləşdiyi problemlərin həllinə dəstək verməlidir.

Azərbaycan Xalq Cümhuriyyətinin yaranmasından 106 il keçir

Bu bayrağı Rəsulzadə özü tikib
Gözlə

No media source currently available

0:00 0:01:05 0:00

Bu gün, mayın 28-də Azərbaycan Xalq Cümhuriyyətinin yaranmasından 106 il keçir.

Rusiyada çarın devrilməsindən sonra, 106 il əvvəl Tbilisidə elan olunan Azərbaycan Xalq Cümhuriyyəti 23 ay fəaliyyət göstərə bilib və 1920-ci il aprelin 27-də Rusiyanın silahlı təcavüzü ilə süqut edib.

Cümhuriyyətin bir çox qurucuları Azərbaycanın təkrar işğalından sonra mühacirət etmək məcburiyyətində qalıblar.

1991-ci il noyabrın 18-də Azərbaycan öz müstəqilliyini yenidən bəyan edib. Həmin vaxt Azərbaycan Respublikası Xalq Cümhuriyyətinin varisi elan edilib.

1992-ci ildən Azərbaycanda mayın 28-i Respublika, 2021-ci ildən isə Müstəqillik Günü kimi qeyd edilir. Milli Məclisin 2021-ci il oktyabrın 15-də keçirilən iclasında "Müstəqillik Günü haqqında" yeni qanun layihəsi qəbul edilib. 28 May - Respublika Gününün və 18 Oktyabr - Dövlət Müstəqilliyi Gününün adı dəyişdirilib. Mayın 28-i Müstəqillik Günü, oktyabrın 18-i isə Müstəqilliyin Bərpası Günü elan edilib.

Rusiya Qarabağda baş konsulluq açmaq istəyir

Qriqori Karasin
Qriqori Karasin

Moskva Xankəndi şəhərində baş konsulluq açmaq niyyətindədir və bu işdə Azərbaycanın dəstəyinə ümid edir.

TASS-ın xəbərinə görə, bunu Rusiya Federasiya Şurası Xarici əlaqələr komitəsinin sədri Qriqori Karasin deyib.

"İkitərəfli məsələlərdən Xankəndində baş konsulluğun açılmasını qeyd edərdim. Biz bunun üçün yaxın vaxtlarda hazırlıq işlərinə başlamağı planlaşdırırıq və sizin dəstəyinizə ümid edirik", - Karasin Səməd Seyidovun rəhbərlik etdiyi Azərbaycan nümayəndə heyəti ilə görüşdə bildirib.

Rusiyalı senator baş konsulluğun açılışının bu il baş tutacağına ümid etdiyini bildirib. "Bu, bizə qarşılıqlı konsulluq üzrə fərqi aradan qaldırmağa imkan verəcək", - Karasin əlavə edib.

Hələlik, bu məsələ ilə bağlı Azərbaycan rəsmiləri ictimaiyyət qarşısında fikir bildirməyiblər.

Azərbaycan Xankəndi şəhərini 2023-cü ilin sentyabrında bir günlük hərbi əməliyyat nəticəsində tam öz nəzarətinə götürüb. Bakı bunu "lokal antiterror tədbirlər"i, Yerevan isə "etnik təmizlənmə" kimi dəyərləndirib.

Daha sonra Qarabağdan Ermənistana əhali köçü başlayıb.

Xatırlatma

1990-ci illərdən gərginləşən Qarabağ münaqişəsi Azərbaycan və Ermənistan arasında silahlı toqquşmalara səbəb olmuşdu. Daha sonra Qarabağda Azərbaycanın tanımadığı qurum fəaliyyət göstərirdi. Azərbaycanın Qarabağ və ona bitişik 7 rayonu işğal edilmişdi.

2020-ci ildə 44 günlük İkinci Qarabağ müharibəsində Azərbaycan həmin ərazilərin böyük bir hissəsinə nəzarəti təmin etdikdən sonra bölgəyə Rusiya sülhməramlıları yerləşdirilmişdi. İndi həmin silahlı qüvvələrin bölgədən tədricən çıxarıldığı bildirilir.

Azərbaycanda yenə seçici sayında azalma var

Rayon qeydiyyatlı seçicilər Bakıda səs verir
Gözlə

No media source currently available

0:00 0:01:47 0:00

Azərbaycanda hazırda səsvermə hüququ olan 6 milyon 326 min 764 şəxs var. Bunu bu gün, mayın 27-də Mərkəzi Seçki Komissiyasının (MSK) iclasında qurumun rəhbəri Məzahir Pənahov deyib.

Halbuki bu ilin fevralında, növbədənkənar (7 fevral) prezident seçkisindən əvvəl Azərbaycanda səsvermə hüququ olan vətəndaşların sayı 6 milyon 478 min 623 nəfər açıqlanmışdı.

Ötən ilin mayında isə Pənahov bildirirdi ki, Azərbaycanda səsvermə hüququ olan 6 milyon 334 min 178 şəxs var.

Qurum seçici sayında belə azalma, artım və təkrar azalmanın səbəblərini izah etmir.

Üstəlik, MSK-nın rəqəmləri ilə Dövlət Statistika Komitəsinin (DSK) 18 yaşından yuxarı vətəndaşların sayı ilə bağlı açıqladığı məlumatlar da üst-üstə düşmür. Fərq təqribən 1 milyon civarındadır.

Hər iki dövlət qurumu özünün rəqəminin doğru olduğunu bəyan edib.

Hökumət bununla bağlı hər hansı rəsmi izahat verməyib. Müstəqil seçki müşahidəçilərinin sözlərinə görə, bu, Azərbaycanda tam şəffaflığın olmamasının göstəricidir və pozuntulara imkan tanıyır.

Davamı

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG