-
Azərbaycan Akademik Milli Dram Teatrının direktoru vəzifəsinə yeni təyinat olub.
Teatrdan AzadlıqRadiosuna verilən xəbərə görə, mədəniyyət və turizm nazirinin əmri ilə Azərpaşa Nemət teatrın bədii rəhbəri və direktoru təyin edilib. O, ötən ildən bəri teatrın bədii rəhbəri və baş rejissoru vəzifəsində çalışırdı.
Teatrın əvvəlki rəhbərinin - İsrafil İsrafilovun direktorluqdan çıxarılacağı xəbəri ötən ilin sonlarından mediada dolaşırdı.
Xəbərdə vurğulanır ki, teatrın keçmiş direktorunun iş müqaviləsinin müddəti yanvarın 5-də başa çatıb və onun müqavilə müddəti uzadılmayıb.
