Keçid linkləri

2024, 29 Mart, Cümə, Bakı vaxtı 04:01

Milyarderin oğlu anasını öldürməkdə suçlanır


Yegor Sosin anasıyla
Yegor Sosin anasıyla

►Hadisə oteldə baş verib

19 yaşlı Yeqor Britaniyanın Hult Biznes Məktəbinin məzunudur. Atası «Старик Хоттабыч» şəbəkəsinin yaradıcılarından biri, milyarderdir. İlk baxışdan həyatda heç nəyə ehtiyacı olmayan 19 yaşlı Yeqor Sosin-in öz doğma anasını öldürdüyü bildirilir.

Onu əsas şübhəli kimi həbs ediblər.

Yeqor 44 yaşlı anası ilə Kazana müalicəyə gəlibmiş. Hər şey normal görünürmüş. Amma axşam çağı oğlan mobil telefonun kabelini götürüb onunla anasını boğub. Bundan əvvəlsə onun qadını qəddarcasına döydüyü bildirilir.

Hüquq-mühafizə orqanlarından bildiriblər ki, otelin bir qonağı paltarının üstündə qan izləri olan oğlanın dəhlizdə var-gəl etdiyini görüb otelin işçilərini çağırıb. Otaqda zərərçəkmişin meyitini də onlar aşkar ediblər.

Qətl ittihamı üzrə cinayət işi başlayıb.

Yeqor Sosinin özü iddia edir ki, anasının ona qəribə dərmanlar verməsindən sonra heç nə xatırlamır. Ehtimal edilir ki, gənc oğlan müstəntiqləri çaşdırmaq üçün bunları özündən qoşur.

Milyarder İqor Sosin özünün dəbdəli həyatı ilə tanınır. O, hərracda ən bahalı lüks əşyaları alır. Məsələn, Truman Capotenin “Tiffanigildə səhər yeməyi” romanının əlyazmasını 306 min dollara satın alıb. Dünyanın bütün adlı-sanlı dizaynerlərinin qırmızı donlarının kolleksiyasına isə 3,5 moilyon avro xərcləyib.

Buna da bax: Krım tatarlarının toyu (Fotolar)

İqor Sosinin, oğlu Yeqorun anası ilə bir neçə il əvvəl boşandığı bildirilir.

Anastasiya Sosina oğlu Yeqoru narkomaniyadan müalicə etdirmək üçün Kazana, bir alman psixoloq cütlüyün təşkil etdiyi bahalı treninqə gətiribmiş. Treninqin qiyməti bir nəfər üçün 50 min rubl imiş.

Ailənin tanışlarının dediklərinə görə, Yeqor valideynlərinin ayrılmasını çox ağır keçirirmiş və elə həmin dövrdə də narkotiklərə qurşanıb. Anası Anastasiya isə onu xilas etmək üçün hər üsuldan yapışırmış.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG