-
Qazax rayonunda mərmi partlaması nəticəsində 16 yaşlı şəxs yaralanıb.
Qazax rayon Diaqnostika Mərkəzindən APA-ya verilən məlumata görə, rayonun Quşçu Ayrım kənd sakini, 1999-cu il təvəllüdlü Tural Sadıqov sol əlin didilmiş-dağılmış odlu silah xəsarəti və döş qəfəsinin qəlpə yarası ilə mərkəzə yerləşdirilib. Yaralıya dərhal tibbi yardım göstərilib, vəziyyəti orta-ağır qiymətləndirilir.
Valideynlərinin dediyinə görə, T.Sadıqov erməni hərbçilərin atdığı, evin həyətinə düşən mərmini götürən zaman mərmi partlayıb və xəsarət alıb.