-
Əfrasiyab Nurullahi
Dəniz haqqında minimallar
1.
Dənizdən,
Bir dünya bulud yüksəldi;
Bu dənizi açıb
Bu dünyanı yumaq olar – deyərkən!
2.
Heç təsəvvür də edə bilməzdim ki;
Təsvir də edə biliım,
Günəşi dənizdə!
Gördüm,
hələ yırğalanırdı da.
Ancaq,
Yenə də üzünə baxmaq olmurdu!
3.
Hələ sirr açmaq,
Yuxu danışmaq nədir ki!
Adamın
ölməyı gəlir dənizə...
4.
Açılan sirlərmi,
danışılan yuxularmı
duzluymuş;
belə duzlanıb dəniz!
5.
Qəribə taleyi var!
Sevmədiklərinin də
Ardinca atılır dəniz.
6.
Sahil boyu tamsına tamsına qalmışdı dəniz!
Orada insan izləri vardı
İnsan izləri yalayırdı.
