Keçid linkləri

2024, 24 May, Cümə, Bakı vaxtı 17:06

Əli İnsanovun məhkəməsi poçta görə təxirə salındı


Əli İnsanov
Əli İnsanov

-

Noyabrın 26-da Ali Məhkəmədə keçmiş səhiyyə naziri Əli İnsanovun kasasiya şikayəti üzrə məhkəmə iclası keçirildi. Hakim İnqilab Nəsirovun sədrlik etdiyi proses çox qısa oldu.

Hakim bildirdi ki, iş üzrə zərərçəkmiş qismində tanınan şəxslərə məhkəmə bildirişlərinin, o cümlədən kasasiya şikayətinin surətinin çatıb-çatmadığı barədə poçt qəbzi yoxdur. Bu səbəbdən də hakim məhkəmə prosesinin qeyri-müəyyən vaxta qədər təxirə salındığını elan etdi.

Məhkəmə iclasında Əli İnsanov özü iştirak etməyib.

Əli İnsanov Ağır Cinayətlərə Dair İşlər üzrə Məhkəmənin onun barəsində 2007-ci ilin aprelində çıxardığı hökmdən Avropa İnsan Haqları Məhkəməsinə şikayət etmişdi. 14 mart 2013-cü ildə Avropa Məhkəməsi Əli İnsanova münasibətdə Avropa Konvensiyasının 6-cı (ədalətli məhkəmə araşdırması hüququ) və 3-cü (işgəncəyə, pis rəftara məruz qalmama hüququ) maddələrinin pozulduğunu təsdiqləmiş və buna görə sabiq nazirə kompensasiya verilməsini müəyyənləşdirmişdi.

Avropa Məhkəməsinin həmin qərarı əsasında Azərbaycan Ali Məhkəməsinin Plenumu Əli İnsanovun işi üzrə hökmün qüvvədə saxlanılması barədə apellyasiya və kasasiya məhkəmələrinin vaxtilə çıxardıqları qərarları ləğv etdi. Bundan sonra Bakı Apellyasiya Məhkəməsi bir daha hökmdən şikayətə baxdı. 2014-cü ilin yanvarında çıxarılan qərara əsasən, yenə də hökm dəyişdirilmədən qüvvədə saxlanılıb. Hazırda Ali Məhkəmədə həmin qərardan verilmiş kasasiya şikayətinə baxılır.

Əli İnsanov 2005-ci il oktyabrın 19-da həbs olunub. 2007-ci ilin aprelində Ağır Cinayətlərə Dair İşlər üzrə Məhkəmənin hökmü ilə 11 il azadlıqdan məhrum edilib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG