-
Noyabrın 27-də saat 11:00-də AMEA-nın İctimai Elmlər Bölməsinin təşkilatçılığı ilə dəyirmi masa keçiriləcək.
AMEA-nın yaydığı xəbərə görə, dəyirmi masa 1932-1933-cü illərdə Ukraynada baş vermiş Qolodomor (Sovet kommunist rejimi tərəfindən Ukrayna xalqına qarşı törədilmiş soyqırımı) faciəsinə həsr ediləcək.
Dəyirmi masa «SSRİ-də kütləvi terror – kütləvi siyasi repressiyalar. 1932-1933-cü illərdə Ukraynada Qolodomor tarixi həqiqətləri» adlanacaq.
Tədbirdə tanınmış Amerika tarixçisi, ABŞ-nın Yel Universitetinin professoru Timothy Snyder-in «Qanlı torpaqlar: Avropa Hitler və Stalin arasında» kitabının təqdimatı olacaq.
Timothy Snyder Şərqi Avropa tarixi üzrə ən məşhur Amerika alimlərindəndir.
Onun «Qanlı torpaqlar: Avropa Hitler və Stalin arasında» kitabı dünyada böyük rezonans doğurub.