-
Ekologiya və Təbii Sərvətlər Nazirliyinin məlumatına görə, noyabrın 20-də Bakıda və Abşeron yarımadasında hava dəyişkən buludlu olacaq. Əsasən yağmursuz keçəcək. Gecə yarımadanın bəzi yerlərində yağış yağacaq. Cənub-qərb küləyi əsəcək.
Abşeron yarımadasında gecə 5-8, gündüz 10-14, Bakıda gecə 5-7, gündüz 12-14 dərəcə isti olacaq.
Azərbaycanın rayonlarında gecə və səhər bəzi yerlərdə duman olacaq. Şərq rayonlarında yağış yağacağı gözlənilir. Cənub-qərb küləyi əsəcək, gündüz arabir güclənəcək.
Gecə 4-8, gündüz 11-16 dərəcə isti, dağlarda gecə 1-6 dərəcə şaxta, gündüz 6-11 dərəcə isti olacaq.