-
Noyabrın 17-də Bakı Olimpiya Stadionunda futbol üzrə Azərbaycan və Moldova milli komandaları arasında beynəlxalq yoldaşlıq oyunu keçirilib.
Qarşılaşma 2:1 hesabı ilə Azərbaycan yığmasının qələbəsiylə başa çatıb.
İlk qolu 33-cü dəqiqə Moldova millisinin futbolçusu Catalin Carp öz qapısına vurub. 44-cü dəqiqədə qonaqlar hesabı bərabərləşdirib. Görüşün 50-ci dəqiqəsində Ağabala Ramazanovun qolu Azərbaycan millisini hesabda önə çıxarıb – 2:1.
Moldova yığması FIFA-nın hazırkı reytinq cədvəlində 154-cü yeri tutur. Azərbaycan isə 115-ci pillədədir.