-
Noyabrın 11-də Azərbaycan Yazıçılar Birliyi Katibliyinin növbəti toplantısında yazıçı Kəramət Böyükçölün AYB üzvlüyündən xaric edilməsi ilə bağlı qərar qəbul olunub.
Yazıçılar Birliyinin yaydığı açıqlamada deyilir:
«Azərbaycan Yazıçılar Birliyinin üzvü Kəramət Nəcəfov (Böyükçöl) xəbərdarlıqlara baxmayaraq, öz yazılarında və müsahibələrində ədəbiyyatımızın klassiklərinə qarşı təhqiredici münasibətini, çağdaş yazıçılarımıza atmacalarını, öz yaşıdı yazarlara qarşı aşağılayıcı fikirlərini davam etdirdiyinə görə AYB Nizamnaməsinin 6-cı maddəsinin 7-ci bəndinə uyğun olaraq Azərbaycan Yazıçılar Birliyi üzvlüyündən kənarlaşdırılsın».
