Arif Yunusun məhkəməsindən detallar
Hakim Vüqar Məmmədovun sədrlik etdiyi məhkəmə iclasında Penitensiar xidmətin Tibb Baş İdarəsinin məhkəməyə ünvanladığı məktub oxunub. APA-nın mlumatına görə, həmin məktubda qeyd olunub ki, Almaniyadan gəlmiş mütəxəssislər A. Yunusu müayinə ediblər. Həmin müayinənin nəticələrinə görə, onun təzyiqi həddindən artıq yüksəkdir.
Bundan sonra A. Yunusun vəkili Əfqan Məmmədov çıxış edib. O, A. Yunusun barəsində seçilmiş həbs qətimkan tədbirinin dəyişdirilməsi barədə vəsatət verib.
Dövlət ittihamçısı vəsatətin təmin olunmamasını istəyib. Məhkəmə isə vəsatəti təmin edərək A. Yunusun barəsində seçilmiş həbs qətimkan tədbirinin başqa yerə getməmək barədə iltizam tədbiri ilə əvəz olunması barədə qərar qəbul edib. Bundan sonra A. Yunus məhkəmə zalından evə buraxılıb.
Arif Yunus azadlığa buraxıldı
Həbsdə olan politoloq Arif Yunus noyabrın 12-də məhkəmə zalından azadlığa buraxılıb.
Bu barədə Azadlıq Radiosunun müxbiri xəbər verir.
Ədliyyə Nazirliyinin Baş Tİbb İdrarəsi Arif Yunusun səhhətində problemlər olduğu üçün azad olunmasını istəmişdi. İdarənin əməkdaşları onun səhhətində ciddi problem olduğunu, yüksək qan təzyiqini aşağa salmağın mümlkün olmadığını və həbsxana şəraitində müalicəsini aparmağın mümkünsüz olduğunu bildirmişdilər.
Leyla və Arif Yunuslara 2015-i il avqustun 13-də Bakı Ağır Cinayətlər Məhkəməsinin hökmü ilə 8 il yarım və 7 il həbs cəzası kəsilib.Onların hər ikisi 2014-cü ildə həbs edilərək, fırıldaqçılıqda, qanunsuz sahibkarlıqda və vergilərdən yayınmaqda ittiham olunurlar. Onlara qarşı dövlətə xəyanət ittihamı ayrıca icraata götürülüb.
Beynəlxalq «Amnesty International» təşkilatı Leyla və Arif Yunusları vicdan məhbusu kimi tanıyıb.
"Gürcüstanda parçala və hökm sür"
“Heç vaxt siyasi baxımdan sabit olmayan Gürcüstan yenə çaxnaşır. Dövlət çevrilişi iddiaları, media məhdudiyyətləri, partiyalararası acı savaş – bütün bunlar Rusiyanın davamlı təhdidinin kölgəsində baş verir”. Bunu “Foreign Affairs” dərgisində Michael Cecire yazır. Müəllifin fikrincə, adi məntiqlə hakim Gürcü Arzusu koalisiyasını bu siyasi böhranı yaratdığına görə günahlandırmaq olar. Belə ki, koalisiyanın məqsədi müxalifətin Vahid Milli Hərəkatını (VMH) dağıtmaqdır. Baş nazir Irakli Garibashvili bu yaxınlarda bəyan edib ki, bu hərəkatın “siyasətdə qalmaq hüququ yoxdur”. Hökumət VMH-yönlü Rustavi 2 televiziyasını dağıtmağa çalışır. Eyni zamanda Gürcüstan siyasəti və cəmiyyətindən rusiyapərəst elementlər də güclənir. Keçmiş spiker Nino Burjanadze də onların içindədir.
Gürcüstan NATO üzvlüyünün demək olar hər bir mərhələsinə uyğun gəlib, hətta onu üstələyib. Ancaq hələ də Rusiyanın reaksiyası səbəbindən Avropanın hasarlarından bu tayda qalıb. Moskva da fürsəti fövtə verməyərək iki əsas partiyanın rəqabəti bahasına yerli müttəfiqlərini gücləndirməyə çalışır. Aparıcı partiyalar isə tələyə düşməkdədir.
Vasif Talıbovun oğlu deputat oldu
Naxçıvan Muxtar Respublikasının (MR) Ali Məclisinə seçilən deputatlar arasında Ali Məclis sədri Vasif Talıbovun oğlu Seymur Talıbov da var.
Bu barədə «Report» məlumat yayıb.
S.Talıbov 25 saylı Naxçıvan şəhər Seçki Dairəsindən deputat seçilib.