Keçid linkləri

2024, 29 Mart, Cümə, Bakı vaxtı 09:26

Azərbaycanda parlament seçkiləri [dəqiqəbədəqiqə]

Noyabrın 1-də Azərbaycanda parlament seçkiləri keçirilib. Rəsmi məlumata görə, Milli Məclisdə 125 yer uğrunda 767 namizəd mübarizə aparır.

Təşviqat kampaniyasına 1200-dən çox namizəd qoşulsa da, daha sonra onların bəziləri, o cümlədən Müsavat Partiyası üzvlərinin böyük əksəriyyəti seçkiyə qatılmaqdan imtina edib.

Müxalif Milli Şura daha öncədən seçkini boykot edərək, nəticələri tanımayacağını bildirib.

ATƏT-in Demokratik Təsisatlar və İnsan Haqları Bürosu Azərbaycanda budəfəki seçkiləri müşahidə etməyəcəyini açıqlayıb.

Ən yeni xəbərlər bloqun əvvəlində yerləşdirilir. Mətnin aşağısıdakı göy rəngli «davamı» düyməsini basmaqla, bloqu vərəqləmək, əvvəlki postlarla tanış olmaq da mümkündür.

08:36 2.11.2015
125-dən 71-i YAP-ındır

Mərkəzi Seçki Komissiyasının açıqladığı ilkin nəticələrə görə, Milli Məclisə seçkilərdə 125 yerin 71-ini Yeni Azərbaycan Partiyasından (YAP) olan namizədlər qazanıb.

39 nəfər bitərəf namizəd seçkidə qalib olub. Parlamentə düşən partiyalar arasında BAXCP, ADİSP, BQP, MDHP, VHP, ASRP, Vəhdət, VBP, ADMP-nin namizədləri var.

«Azadlıq 2015» blokundan olan namizədlərin heç biri ilkin nəticələrə dair siyahıda yoxdur.

Qalib namizədlərin böyük əksəriyyəti bundan öncəki dönəmdə deputat olmuş şəxslərdir. Yeni adlar sırasında isə Mətbuat Şurasının sədri Əflatun Amaşov, əməkdar rəssam Ülviyyə Həmzəyeva, «Kaspian Konsaltinq» şirkətinin hüquqşünası Elşad Həsənovu qeyd etmək olar.

00:12 2.11.2015

AzadlıqRadiosunun Parlament seçkiləriylə bağlı programı

20:29 1.11.2015
55.7 faiz

Mərkəzi Seçki Komissiyasının İnformasiya Mərkəzinin müdiri Rüfət Gülməmmədov parlament seçkiləri ilə bağlı beşinci rəsmi məlumatı yayıb. O, yenə dairələr üzrə seçici göstəricilərini sadalayaraq, yekunda ümumi statistikaya keçib:

«Beləliklə bu gün seçkilərdə ümumilikdə 2 milyon 800 mindən çox seçici iştirak edib. Bu da seçicilərin 55.7 faizi deməkdir».

MSK-dan bildiriblər ki, səslərin hesablanması ilə ilkin nəticələr saat 24-də açıqlanacaq.
Ölkə üzrə ümumi seçicilərin sayı 5 milyon 198 min 658 nəfərdir.

19:32 1.11.2015
İlham Əliyev
İlham Əliyev
İlham Əliyev parlament seçkilərindən danışdı

«Azərbaycanda seçki prosesinin maksimum şəffaf, keyfiyyətli və ən yüksək standartlara cavab verməsi üçün mühüm islahatların aparılıb».

APA-nın məlumatına görə, bunu prezident İlham Əliyev Rusiya Federasiya Şurası sədrinin müavini Ilyas Umakhanov-u qəbul edərkən deyib.

Azərbaycan prezidenti bildirib ki, beynəlxalq müşahidəçilərdən ibarət böyük nümayəndə heyətləri, beynəlxalq təşkilatlar, minlərlə yerli müşahidəçi seçki prosesini izləyir. O, həmçinin «exit-poll»ların keçirildiyini, seçki məntəqələrində veb-kameraların quraşdırıldığını vurğulayaraq seçkinin daha mükəmməl şəkildə həyata keçirilməsi üçün böyük işlər görüldüyünü bildirib.

Görüşdə Azərbaycanla Rusiya arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb, əlaqələrin bundan sonra daha da möhkəmləndiriləcəyinə əminlik ifadə olunub.

Davamı

XS
SM
MD
LG