- Orta məktəblər üçün ikinci sinif Ana dili dərsliyində şair Əli Kərimin məşhur "Dilarə" uşaq şeiri var. Amma onun yox, başqasının - Tofiq Mütəllibovun imzasıyla.
"Yemlik" uşaq dərgisinin redaktoru Sevinc Elsevər deyir ki, sinifdənxaric oxu üçün nəzərdə tutulan Azərbaycan uşaq kitablarında bu şeirin müəllifi düzgün olaraq Əli Kərim kimi göstərilsə də, dərslikdə müəllifin düzgün göstərilməməsi təəccüblüdür.
Xatırladaq ki, Tofiq Mütəllibov "Cücələrim" mahnısının sözlərinin müəllifidir.
