Keçid linkləri

2024, 29 Mart, Cümə, Bakı vaxtı 00:32

Moldova hökuməti istefaya gedir


Valeriu Strelet
Valeriu Strelet

Moldova parlamenti baş nazir Valeriu Streletin rəhbərlik etdiyi hökumətin istefaya göndərilməsinə səs verib.

101 deputatdan 65-i oktyabrın 29-da hökumətə etimadsızlıq göstərib.

Qeyd edək ki, müxalifət partiyaları hökuməti korrupsiyada ittiham edir.

Hakim koalisiyanın Demokrat partiyasından olan lideri Marian Lupu bundan əvvəl baş naziri istefa verməyə çağırmışdı.

Amma qeyd edib ki, yeni koalisiya yaratmaq üçün rusiyapərəst sosialistlər və kommunistlərlə sövdələşməyə girməyəcək.

Əksinə bunun əvəzində ölkənin qərb yönümlü siyasətini davam etdirmək üçün indiki alyansı saxlamağa çalışacaq.

Sosialist partiyası baş nazirin istefası tələbi ilə parlamentin qarşısında mitinq keçirib. Aksiyaçılar “quldurlar rədd olsun” , “oliqarxlar rədd olsun” kimi şüarlar səsləndiriblər.

Keçmiş baş nazir Vlad Filat isə oktyabrın 15-də həbs olunub.

O 260 milyon dollar rüşvət almaqda ittiham olunur.

Onun 2009-2013-cü illərdə baş nazir olduğu dövrdə 3 bankdan 1,5 milyard dollar oğurlanıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG