Moldovada müxalifət lideri saxlanılıb

-

Moldovada Rusiyayönümlü müxalifət lideri Renato Usatii yazışma sirrini pozmaqda ittiham olunur. Bu haqda «Bizim partiya» liderinin dindirilməsindən sonra prokuror Denis Rotaru məlumat verib.

Dindirilmə zamanı 100-dən artıq adam korrupsiya ilə mübarizə milli mərkəzinin qarşısında aksiya keçirib, onlar Usatii-nin buraxılmasını tələb ediblər.

O, oktyabrın 23-də 72 saat müddətinə saxlanılıb.

Siyasətçiyə irəli sürülən ittiham təsdiqini taparsa, onu 3 il həbs və ya 240 saat ictimai işlər, ya da 400 dollar cərimə gözləyir.