-
Moskva Suriyada terrorla mübarizə çərçivəsində müxalifətdə olan «Azad Suriya ordusu»nun qurudakı əməliyyatlarına havadan dəstək verməyə hazırdır.
Rusiyanın xarici işlər naziri Sergei Lavrov «Rossiya-1» telekanalına müsahibəsində belə deyib.
Oktyabrın 24-də Lavrov Misirin xarici işlər naziri Sameh Shoukry ilə də danışıb. Rusiya XİN-in yaydığı məlumata görə, tərəflər Yaxın Şərqdə terror əleyhinə və Suriya münaqişəsinin həlli yönündə əməkdaşlıqla bağlı razılığa gəliblər.
Ötən gün - oktyabrın 23-də ABŞ dövlət katibi John Kerry bəyan etmişdi ki, Vaşinqton Rusiyanın «İslam dövləti» ekstremist qruplaşmasıyla mübarizədə göstərəcəyikonstruktiv dəstəyi alqışlayacaq.