-
Azərbaycan milli komandasının və Bakının «İnter» klubunun futbolçusu Rauf Əliyev əməliyyat olunub.
report.az-ın məlumatına görə, əməliyyat AFFA-nın vəsaiti hesabına Almaniyanın Plattlinq şəhərində baş tutub.
Tibbi müdaxilə uğurlu alınıb.
Rauf Əliyev Azərbaycan Premyer Liqasının IV turunda «Qəbələ» ilə oyunun 76-cı dəqiqəsində zədələnərək əvəzlənib. İlkin müayinə nəticəsində 26 yaşlı hücumçunun xaçabənzər bağlarında qırıq aşkarlanıb.
Millinin düşərgəsində zədələnməsə də, təcrübəli forvardın müalicəsini AFFA öz hesabına həyata keçirməyi qərara alıb.