Keçid linkləri

2017, 19 Fevral, bazar, Bakı vaxtı 15:55

FİFA-nın Etika Komitəsi Almaniya futbolunun canlı əfsanəsi Franz Beckenbauer və UEFA-nın müvəqqəti prezidenti, həmçinin İspaniya Futbol Federasiyasının prezidenti Angel Maria Villar Llona barədə də araşdırmalara başlayıb.

FİFA-nın rəsmi saytında yerləşdirilən məlumata görə, təşkilatın ətrafında baş verən korrupsiya qalmaqalında onların da adları hallanır və bu məsələdə şübhəli bilinirlər.

Xatırladaq ki, UEFA prezidenti Michel Platini istintaqa görə vəzifəsindən 90 gün kənarlaşdırıldığından onun səlahiyyətləri müvəqqəti Angel Maria Villar Llonaya verilmişdi.

Həmçinin FİFA təşkilat ətrafındakı korrupsiya və rüşvət qalmaqalı ilə bağlı istintaqa görə qurumun prezidenti Zepp Blatterin fəaliyyətini oktyabrın 8-dən 90 günlük dondurub.

Bu məsələ Platininin FİFA prezidenti olmasını əngəlləyib. Qeyd edək ki, Pltaini FİFA prezidentliyinə namizədlərdən biridir.

Günün bütün mövzuları

XS
SM
MD
LG