-
Oktyabrın 21-də həbsdə olan jurnalist Rauf Mirqədirovun cinayət işinin materialları Bakı Ağır Cinayətlər Məhkəməsinə göndərilib.
Bu haqda AzadlıqRadiosuna onun vəkili Fuad Ağayev məlumat verib.
Məhkəmənin nə vaxt keçiriləcəyi isə hələ elan olunmayıb.
Rauf Mirqədirov ötən il aprelin 19-da Türkiyədə saxlanılaraq Azərbaycana deportasiya olunub. O, Cinayət Məcəlləsinin 274-cü (dövlətə xəyanət) maddəsi ilə ittiham olunur. Müdafiə tərəfi ittihamı qəbul etmir.