-
Bu ilin yanvar-sentyabr aylarında Azərbaycan iqtisadiyyatına 11 milyard 831.2 milyon manat investisiya qoyulub. Bu, keçən ilin müvafiq dövrünə nisbətən 37.3 milyon manat azdır.
Dövlət Statistika Komitəsinin məlumatına görə, vəsaitin 74%-i tikintiyə sərf edilib. İstifadə olunmuş vəsaitin 60.9%-i məhsul istehsalı obyektlərinin, 32.3%-i xidmət sahələri üzrə obyektlərin, 6.8%-i isə ümumi sahəsi 1327.4 min kvadratmetr olan yaşayış evlərinin tikintisinə xərclənib.
Daxili investisiyalar ümumi sərmayənin 58%-ni təşkil edib. Keçən ilin 9 ayında isə bu pay 70.4% idi.