-
Oktyabrın 17-də səhər saatlarında Talış dağlarına ilk qar yağıb.
Ekologiya və Təbii Sərvətlər Nazirliyindən APA-ya verilən məlumata görə, yağıntı əsasən Lerik rayonunun dəniz səviyyəsindən 1500 metr hündürlükdə yerləşən Mistan, Diqo kəndlərinə düşüb. Cəmi 3-4 sm-lik qar yerli əhali üçün hər hansı əlavə bir problem yaratmayıb.
Lənkəranda isə oktyabrın 16-dan yağan intensiv yağışlar bəzi kəndlərdə evlərə və həyətyanı sahələrə zərər vurub.