Keçid linkləri

2024, 25 İyul, Cümə axşamı, Bakı vaxtı 02:28

İki Azərbaycan filmi beynəlxalq mükafat qazandı


«Nabat» bədii filmi
«Nabat» bədii filmi

-

Vyanada keçirilən «LET´S CEE» Beynəlxalq Film Festivalında iki Azərbaycan filmi mükafat qazanıb.

Mədəniyyət və Turizm Nazirliyinin yaydığı xəbərə görə, festivalda Azərbaycan C.Cabbarlı adına «Azərbaycanfilm» kinostudiyasının istehsalı olan «Axınla aşağı» və «Nabat» bədii filmləri ilə təmsil olunub.

«Ən yaxşı baş rol ifaçısı» nominasiyasında Elçin Musaoğlunun «Nabat» bədii filmində Nabat rolunun ifaçısı Fatemah Motamed-Aria qalib elan olunub.

Rejissor Asif Rüstəmovun ekranlaşdırdığı digər Azərbaycan filmi - «Axınla aşağı» isə «Ən ümidverici debüt» nominasiyasında fəxri mükafata layiq görülüb.

Filmlər «Urania», «Village Cinema» və «Actor´s Studio» kinoteatrlarında nümayiş etdirilib.

Xəbərdə deyilir ki, Mərkəzi və Şərqi Avropa ölkələrinin, eləcə də Türkiyə və Qafqazın ən yaxşı filmlərinin nümayiş olunduğu «LET´S CEE» film festivalı prodüserlər, rejissor və aktyorlar üçün təcrübə mübadiləsi və yeni əməkdaşlıqların qurulması baxımından mühüm platformadır.

Xəbərdə vurğulanır ki, Vyanada fəaliyyət göstərən Azərbaycan Mədəniyyət Mərkəzinin təşəbbüsü və əməkdaşlığı sayəsində Azərbaycan artıq üçüncü ildir ki, bu beynəlxalq festivalda təmsil olunur.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG