-
Əfqanıstanın Kunduz şəhərində «Sərhədsiz Həkimlər» qrupunun hospitalı gecəyarısı hava hücumu zamanı dağılıb, 3 işçi həlak olub, 30 nəfər itkin düşüb.
Bu barədə «Sərhədsiz Həkimlər» qrupu məlumat yayıb. Oktyabrın 3-də qrup bildirib ki, onlar hava hücumundan, işçilərinin və pasiyentlərin öldürülməsindən şok keçiriblər.
Qrupun açıqlamasına görə, döyüşlər «Taliban» və NATO-nun dəstəklədiyi əfqan qoşunları arasında gedib.
NATO bu hücuma görə məsuliyyət daşıya biləcəyini deyib. NATO bildirib ki, ABŞ qüvvələri Kunduz şəhərində yerli vaxtla gecə 2-də hava hücumu əməliyyatına rəhbərlik edib. Qurumun açıqlamasına görə, hücum nəticəsində tibb müəssisəsinə də zərər dəyib. «Bu insident araşdırılacaq» – NATO bildirib.
«Taliban»ın hava qüvvəsi yoxdur.