Keçid linkləri

2024, 28 Mart, Cümə axşamı, Bakı vaxtı 19:47

Buğda idxalı niyə artıb?


Buğda.
Buğda.

-

Bu ilin 8 aylıq(yanvar-avqust) gömrük statistikasının yekunlarına görə, dənli bitkilərin həm idxalı, həm də ixracatı artıb (uyğun olaraq, 36.8 və 75.6 faiz).

«ARTIM… DAHA ÇOX MİQDARDADIR»

İqtisadçı-ekspert Qubad İbadoğlu deyir ki, dənli bitkilərdən, əsasən, buğdanın idxalı artıb: «Ölkəyə gətirilən 250.7 milyon dollarlıq dənli bitkilərin 86.2 faizi və ya 216.3 milyon dolları buğdanın payına düşür. Bu məhsulun idxalı 34.2 faiz artıb. Buğda daha çox çörək və çörək məmulatının hazırlanmasında istifadə olunur. Onun dünya bazarındakı qiymətinin son bir ildə ucuzlaşmasını nəzərə alsaq, demək, artım dəyər göstəricisində deyil, daha çox miqdardadır».

İDXAL ARTIMININ 2 SƏBƏBİ

Ekspert bildirir ki, buğdanın idxal artımını 2 amilə bağlamaq olar: «Biri - tələbin artımıdır.Məncə, xüsusən kəskin devalvasiyadan sonra qiymətində dəyişiklik baş verməyən azsaylı məhsullardan biri də çörəkdir. Bu, ailə büdcəsində çörəyə xərclərin çoxalması ilə tələb artımını şərtləndirib. Buğda istehsalının azalması və ya buğdanın keyfiyyətcə pisləşməsi ikinci səbəb ola bilər. Bu halda da idxal buğdası istər ucuzluğu, istərsə keyfiyyəti baxımından bazarda hökmran mövqeyini daha da gücləndirib».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG