Keçid linkləri

2017, 25 Aprel, çərşənbə axşamı, Bakı vaxtı 02:56

-

Sentyabrın 30-da Milli Məclisin plenar iclasında “Azərbaycan Respublikasının Vətəndaşlığı haqqında” qanuna əlavə və dəyişiklər müzakirə edəcək.

Bu haqda APA-ya Milli Məclisdən məlumat veriblər.

Ölkə prezidenti «Azərbaycan Respublikasının vətəndaşlığı haqqında» qanuna aşağıdakı əlavə və dəyişiklikləri təklif edir.

Qanunun 15-ci (vətəndaşlığa bərpa) və 17-ci (vətəndaşlıqdan çıxma) maddələrinə belə bir bənd əlavə olunur:

«Azərbaycan Respublikasının vətəndaşlığına bərpa və yaxud vətəndaşlığından çıxma haqqında qərar Azərbaycan Respublikasının Konstitusiyasının 109-cu maddəsinin 20-ci bəndinə müvafiq surətdə qəbul olunur». Konstitusiyanın həmin bəndində deyilir ki, ölkə prezidenti «vətəndaşlıq məsələlərini həll edir».

Təklif olunan dəyişiklərdən biri də 16-cı maddə ilə bağlıdır. 16-cı maddənin ikinci bəndinin («Azərbaycan Respublikasının vətəndaşlığını itirmək nəticəsində») ümumiyyətlə ləğvi təklif olunur.

Sonuncu təklif qanunun 18-ci maddəsinədir. “Azərbaycan Respublikası vətəndaşlığının itirilməsi” adlı maddəyə belə bir cümlə əlavə olunur:

“Məhkəmənin verdiyi qərarla itirilməsi qaydaları”.

Hüquqşünas Müzəffər Baxış deyir ki, təklif olunun əlavə və dəyişiklikləri texniki xarakterlidir:

“15-ci və 17-ci maddədə vətəndaşlığa bərpa və çıxarılmanın prezidentin səlahiyyətində olduğu qeyd olunur. 16-cı maddənin 2-ci bəndində yazılanlar isə bu qanuna edilən sonuncu dəyişmələrdən sonra lazımsız idi. O ki, qaldı 18-ci maddəyə olunan əlavə mətndən aydın olmur ki, söhbət hansı məhkəmə qərarlarından gedir. Yəqinki plenar iclasda bu da məlum olar”.

Azərbaycan Parlamenti 2014-cü ilin mayında “Vətəndaşlıq haqda qanun”un 18-ci maddəsinə aşağıdakı dəyişikliyi etmişdi:

“Xarici ölkənin dövlət və ya bələdiyyə orqanlarında çalışanlar, silahlı qüvvələrində və ya digər silahlı birləşmələrində könüllü xidmət edənlər Azərbaycan vətəndaşlığını itirir”.

Sənin fikrin

Şərhləri göstər

Günün bütün mövzuları

XS
SM
MD
LG