-
Sentyabrın 19-da Bakının tarixi mərkəzi olan İçərişəhərdə «Avropa şəhərciyi» açılıb. Bu tədbir Aİ-nin Azərbaycandakı nümayəndəliyi və Aİ üzvü olan ölkələrin səfirlikləri tərəfindən Bakı sakinlərini Avropa ölkələrinin milli ənənələri və mədəniyyəti ilə tanış etmək məqsədilə təşkil edilib.
Belə ki, hər bir ölkə ayrı-ayrı çadırlarda öz mədəniyyətini, milli mətbəxini nümayiş etdirir.
Saat 20.00-a qədər davam edəcək tədbirin proqramına əyləncə şousu, müxtəlif müsabiqələr, viktorinalar, karaoke, konsertlər və muzey turları daxildir.
Bakıda «Avropa şəhərciyi» artıq üçüncü ildir keçirilir.